Read Time:1 Minute, 51 Second
މަސްވެރިންނަކީ ދައުލަތް ދަންނަ ބަޔަކަށް ހަދައި، އެމީހުންނަށް ބޭންކިންގް ޚިދުމަތްތައް ފަސޭހައިން ލިބޭނެ މަގުފަހިކުރުމަށް ސަރުކާރުން ކުރަމުންދާ މަސައްކަތުގެ ދަށުން، މަސްވެރިންގެ ދަފްތަރުގައި ހިމެނޭ 89 ފަރާތަކަށް ބީއެމްއެލް މެދުވެރިކޮށް މިހާތަނަށް ލޯނު ދޫކޮށްފައިވާ ކަމަށް މަސްވެރިކަމާ ބެހޭ ވުޒާރާއިން ވަނީ ހާމަކޮށްފައެވެ. މިދިޔަ އަހަރުގެ މެއި މަހުން ފެށިގެން ދޫކުރަން ފެށި މި ލޯނުތަކަށް އެދި ހުށަހެޅުމަށް “މަސްވެރިޔާ ޕޯޓަލް” ގެ ނަމުގައި ޚާއްޞަ ޑިޖިޓަލް ޕްލެޓްފޯމެއް ވަނީ ގާއިމުކޮށްފައެވެ. މި އިންތިޒާމުގެ ދަށުން ގެދޮރު އެޅުމާއި، ތައުލީމު ހާސިލުކުރުމާއި، އުޅަނދު ބަނުމުގެ އިތުރުން އެކި ބޭނުންތަކަށް ރަހުނަކާ ނުލައި 300,000 ރުފިޔާއާ ހަމައަށް ފައިނޭންސިންގް ލިބޭނެ މަގު ވަނީ ތަނަވަސްވެފައެވެ. މީގެ އެންމެ ބޮޑު މަގުސަދަކީ މަސްވެރިކަމުގެ ސިނާއަތް ކުރިއަރުވައި، މަސްވެރިންނަކީވެސް އިޖުތިމާއީ އަދި އިގްތިސާދީ ގޮތުން ބާރުވެރި ބަޔަކަށް ހެދުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0