Read Time:2 Minute, 30 Second
(ފޮޓޯ ކްރެޑިޓްސް: ރައީސް އޮފީސް)
ޤައުމީ ޞިއްޙީ ލެބޯޓަރީ ޤާއިމުކުރުމަކީ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ގެ މަސައްކަތްތައް ހަރުދަނާކުރުމަށް ސަރުކާރުން ކުރިއަށްގެންދާ 25 މިލިއަން ޑޮލަރުގެ މުހިންމު މަޝްރޫޢެކެވެ. މި މަޝްރޫޢަކީ ޔޫރަޕިއަން އިންވެސްޓްމަންޓް ބޭންކުގެ ލޯނު އެހީގައި ހުޅުމާލޭގެ 26,000 އަކަފޫޓުގެ ބިމެއްގައި، 9 ފަންގިފިލާ އަދި 3 ފަންގިފިލާގެ ދެ އިމާރާތް ހިމެނޭހެން ކުރިއަށްގެންދާ މަސައްކަތެކެވެ. މިހާރު ޑިޒައިން ކުރުމުގެ މަރުހަލާގައިވާ މި މަޝްރޫޢުގެ އަމަލީ މަސައްކަތް މިއަހަރުގެ ޖޫން ނުވަތަ ޖުލައި މަހު ބަޔަކާ ހަވާލުކުރެވޭނެ ކަމަށް ޞިއްޙީ ވަޒީރު ޢަބްދުﷲ ނާޡިމް އިބްރާހީމް ވަނީ ވިދާޅުވެފައެވެ.
މި ލެބޯޓަރީ ޤާއިމުވުމުން ވައިރަސް އާއި ބެކްޓީރިއާގެ ތަހުލީލުތައް ކުރުމުގެ ޤާބިލުކަން އިތުރުވެ، ކާބޯތަކެއްޗާއި ބޭހުގެ ރައްކާތެރިކަން ބައިނަލްއަޤްވާމީ ފެންވަރުގައި ކަށަވަރުކުރެވޭނެއެވެ. މީގެ އިތުރުން، މި ތަނުގައި ޤައުމީ އިންފްލުއެންޒާ ސެންޓަރުގެ ޚިދުމަތް ޤާއިމުކޮށް، ޞިއްޙީ ދާއިރާގެ ދިރާސާތައް ކުރުމަށް ފަހި ފުރުޞަތުތަކެއް ހުޅުވިގެންދާނެއެވެ. މިއީ މިހާރު ދިމާވެފައިވާ ޖާގައިގެ ދަތިކަމާއި ވަސީލަތްތަކުގެ މަދުކަމަށް ދާއިމީ ހައްލެއް ގެނެސްދޭނެ، ޒަމާނީ ވަސީލަތްތަކުން ފުރިގެންވާ މަރުކަޒަކަށް ވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0