Read Time:2 Minute, 14 Second
(ފޮޓޯ ކްރެޑިޓްސް: ރައީސް އޮފީސް)
މި ސަރުކާރުން ކުރިއަށް އޮތް ދެ އަހަރު ދުވަހުގެ ތެރޭގައި ޖަލުތަކަށް އިތުރު 400 ގައިދީންގެ ޖާގަ އިތުރުކުރުމުގެ މަސައްކަތް ކުރަމުންދާކަމަށް ދާޚިލީ ސަލާމަތާ ބެހޭ ވަޒީރު ޢަލީ އިޙުސާން ވިދާޅުވެއްޖެއެވެ. މީގެ އިތުރުން ކުރީ ސަރުކާރުގައި މާލޭ ޖަލާއި ކަސްޓޯޑިއަލް ފެސިލިޓީ އުވާލުމުގެ ސަބަބުން ދޫވެފައިވާ ގައިދީން އަނބުރާ ޖަލަށް ގެނައުމަށްޓަކައި ޖާގަ އިތުރުކުރުމުގެ މަސައްކަތް މިހާރުވެސް ދަނީ ކުރެވެމުންނެވެ. އެގޮތުން، ކުރިން ބޮޑު ޚަރަދެއް ކޮށްގެންވެސް ނުނިމި އޮތް ހުޅުމާލޭ ޖަލުގެ 100 މީހުންގެ ޖާގަ، މި ސަރުކާރުން ވަނީ މަދު ބަޖެޓަކުން 4 މަސް ދުވަހުގެ ތެރޭގައި ނިންމާފައެވެ.
ޖަލުތަކުގެ ސަލާމަތީ ކަންކަން ވަރުގަދަކުރުމުގެ ގޮތުން މާފުށީ ޖަލުގައި އަލަށް ބޮޑީ ސްކޭނަރު ބަހައްޓާފައިވާއިރު، މީގެ ސަބަބުން ޖަލަށް މަނާ ތަކެތި ވެއްދުމާއި ސްކޭމް ކޯލްތަކުގެ މައްސަލައަށް ބޮޑު ހައްލެއް ލިބޭނެއެވެ. އަދި ޖަލުގެ ޚިދުމަތްތައް ހޯދުމަށް އޮންލައިން ޕޯޓަލްއެއް ތަޢާރަފުކޮށް، އަތޮޅުތެރޭގެ ފުލުހުންގެ ޚިދުމަތް ހަރުދަނާކުރުމަށްޓަކައި 53 އާ އިމާރާތެއްގެ މަސައްކަތް ކުރިއަށްދާކަންވެސް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0