Read Time:1 Minute, 53 Second
(ފޮޓޯ ކްރެޑިޓްސް: ރައީސް އޮފީސް)
މެދުއިރުމަތީގެ ހަމަނުޖެހުންތަކާ ގުޅިގެން ރާއްޖެއަށް އަންނަ ފްލައިޓްތައް މަދުވުމުން ލިބޭ އިޤްތިޞާދީ ގެއްލުން ކުޑަކުރުމަށްޓަކައި ވިލާތުގެ އައު 5 މަންޒިލަކުން ރާއްޖެއަށް ދަތުރުތައް ފަށާފައިވާ ކަމަށް ދަތުރުފަތުރާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ވިދާޅުވެއްޖެއެވެ. މި ހާލަތުގެ ސަބަބުން ފަތުރުވެރިން އައުން މަދުވި ނަމަވެސް، އެމިރޭޓްސް ފަދަ އެއާލައިންތަކުން މިހާރު ވަކި ވަގުތުތަކެއްގައި ދަތުރުތައް ކުރަން ފަށާފައިވާ ކަމަށާއި، ރަޝިއާ، ތުރުކީ، އޭޝިއާ އަދި އިންޑިއާއިން ރާއްޖެއަށް ކުރާ ދަތުރުތަކުގެ އަދަދު އިތުރުކުރުމަށް މަސައްކަތް ކުރަމުންދާ ކަމަށް ވަޒީރު ފާހަގަކުރެއްވިއެވެ. މީގެ އިތުރުން ދޯހާ އާއި ބަހްރެއިން އެއާޕޯޓް ބަންދުކޮށްފައި އޮތް ނަމަވެސް، މަސްކެޓް އެއާޕޯޓް ހުޅުވިފައި ހުރުމާއެކު ބައެއް ޝެޑިއުލް ދަތުރުތައް އަލުން ފަށައި، ހާލަތު ރަނގަޅު ކުރުމަށް ޚާއްޞަ ޓީމަކުން އަންނަނީ މަސައްކަތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0