Read Time:1 Minute, 48 Second
(ފޮޓޯ ކްރެޑިޓްސް: ރައީސް އޮފީސް)
މަސްވެރިންނަށް ދިމާވާ އައިސް ލިބުމުގެ ދަތިކަން ހައްލުކުރުމަށްޓަކައި، މިއަހަރުގެ ތެރޭގައި 23 އައިސްޕްލާންޓެއް އޮޕަރޭޝަނަށް ގެނައުމަކީ ސަރުކާރުގެ އަމާޒެއް ކަމަށް މަސްވެރިކަމާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ. މިހާރުވެސް 6 ރަށެއްގައި އައިސްޕްލާންޓްތައް ބަހައްޓައި ޚިދުމަތް ދޭން ފަށާފައިވާއިރު، އިތުރު 9 ރަށެއްގައި އަމަލީ މަސައްކަތް ދަނީ ކުރިއަށެވެ. މީގެ އިތުރުން ސައުދީ ފަންޑާއި ސަރުކާރުގެ ބަޖެޓުން ޚަރަދުކޮށްގެން ގިނަ ރަށްތަކެއްގައި އައިސްޕްލާންޓްތައް ބިނާކުރުމަށް ވަނީ ނިންމާފައެވެ. އައިސްޕްލާންޓްތަކުގެ އިތުރުން، ރާއްޖޭގެ ކޯލްޑް ސްޓޯރޭޖް ކެޕޭސިޓީ 9،500 މެޓްރިކް ޓަނުން 25،000 މެޓްރިކް ޓަނަށް އިތުރުކުރުމަށްޓަކައި ކޫއްޑޫ، ފެލިވަރު އަދި ތިނަދޫ ހިމެނޭހެން އެކި ސަރަހައްދުތަކުގައި ރައްކާކުރެވޭ މިންވަރު އިތުރުކުރުމުގެ މަސައްކަތްތައް ވެސް ދަނީ ބާރުމިނުގައި ކުރިއަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0