Read Time:3 Minute, 43 Second
(ފޮޓޯ ކްރެޑިޓްސް: ރޮއިޓާރސް)
ޔަހޫދީންނާއި އެމެރިކާއާ ގުޅިގެން އީރާނަށް ޙަމަލާ ދޭން ފެށުމާއެކު، ދުނިޔޭގެ އެކި ސަރަޙައްދުތަކަށް ތެޔޮ އުފުލުމަށް ބޭނުން ކުރާ މައި އެއް މަގު ކަމަށްވާ ހުރުމުޒް ކަނޑުއޮޅި ހުރަސް ކުރުމަށް ފުރުޞަތު ނުދޭނެ ކަމަށް އީރާނުން ވަނީ ބުނެފައެވެ. އޭގެ ސަބަބުން އެ ސަރަޙައްދުން ތެޔޮ ޓޭންކަރުތައް ދަތުރުކުރުން މި ވަނީ ހުއްޓުމަކަށް އައިސްފައެވެ. ތެޔޮ ޓޭންކަރުތަކާއި މުދާ އުފުލާ އާގު ބޯޓުތައް ހިމެނޭ ގޮތަށް ޢިރާޤްއާއި ސަޢުދީ ޢަރަބިއްޔާއާއި ޤަޠަރު ފަދަ ތެޔޮ އުފައްދާ ޤައުމުތަކުގެ ބޭރުގައި 200އަށް ވުރެ ގިނަ އުޅަނދު މި ވަގުތު ވެސް ނަގިލި އަޅާފައި އެބަ ތިއްބެވެ. އީރާނުން އިންޒާރު ދީފައި އޮއްވާ ހުރުމުޒް ކަނޑުއޮޅި ހުރަސްކުރަން މަސައްކަތް ކުރި އާގު ބޯޓަކަށް ވަނީ އީރާނުން މިސައިލް ޙަމަލާއެއް އަމާޒުވެ ގެއްލުންތަކެއް ލިބިފައެވެ. ޤަޠަރުގެ ތެޔޮ އުފައްދާ މަރުކަޒުތަކަށް އީރާނުގެ ޙަމަލާތައް އަމާޒުވަމުން ދާތީ އެ ޤައުމުން ވެސް ވަނީ ގޭސް ދިޔާކުރުން ވަގުތީ ގޮތުން ހުއްޓާލައިފައެވެ. މީގެ ކުރިން އެ މަސައްކަތް ކުރަމުން ދިޔަ ގޮތަށް އަލުން ރުޖޫޢަވުމަށް މަދުވެގެން އެއް މަސް ނަގާނެ ކަމަށް ޤަޠަރުގެ ބައެއް މަސްދަރުތަކުން ބުނެއެވެ.
ޢިރާޤުން ވެސް ވަނީ އެ ޤައުމުގައި އުފައްދާ ތެޔޮ ބޭރު ކުރުމަށް ހުރަސް އެޅިފައިވާތީ ތެޔޮ އުފެއްދުން މި ވަގުތަށް މަޑުޖައްަސާލައިފައެވެ. ސަޢުދީ ޢަރަބިއްޔާއާއި އެކުވެރި ޢަރަބި އިމާރާތާއި ކުވައިތުން ވެސް ދަނީ އެ ޤައުމުތަކުގައި އުފައްދާ ތެޔޮ، ޓޭންކަރު ތަކަށް ބަރާ ނުކުރެވޭތީ ދަތިތަކާ ކުރިމަތިލަމުންނެވެ.
ފެބްރުއަރީ މަހުގެ 28ވަނަ ދުވަހު ޔަހޫދީންނާ ގުޅިގެން އެމެރިކާއިން އީރާނަށް ޙަމަލާ ދިނުމާއެކު ތެލުގެ އަގުތަކަށް ބޮޑެތި ބަދަލުތައް ވަނީ އަންނަން ފަށައިފައެވެ. މި ވަގުތު ތެލުގެ އަގުތައް ހުރީ ހަނގުރާމަ ފެށުމުގެ ކުރީގެ އަގުތަކަށް ވުރެ 12 އިންސައްތަ މަތީގައެވެ. މި އަހަރުގެ ދެވަނަ ކުއާޓާގައި ސާފު ނުކުރާ ތެޔޮ ފީފާއެއްގެ އަަގު 10 ޑޮލަރުން 76 ޑޮލަރަށް އުފުލޭނެ ކަމަށް މިހާރު ވަނީ އަންދާޒާކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0