Read Time:2 Minute, 33 Second
އިނގިރޭސި ޕްރިމިއާ ލީގުގައި ރޭ ބްރައިޓަން އާއި ދެކޮޅަށް އާސެނަލް ކުޅުނު މެޗު 1-0 ގެ ނަތީޖާއަކުން އާސެނަލް މޮޅުވެ ތާވަލުގެ ކުރީގައި ހަތް ޕޮއިންޓުގެ ލީޑެއް ހޯދައިފި އެވެ. މި މެޗުން އާސެނަލް އަށް ލިބުނު ތިން ޕޮއިންޓާއެކު އެ ޓީމަށް ވަނީ ލީގުގައި މިހާތަނަށް ކުޅުނު 30 މެޗުން ޖުމްލަ 67 ޕޮއިންޓާއެކު ތާވަލުގެ އެއްވަނަ މަގާމް ލިބިފަ އެވެ. ދެވަނައިގައި އޮތް މެންޗެސްޓަރ ސިޓީ އެއް މެޗު މަދުން ކުޅެގެން ލިބިފައިވަނީ 60 ޕޮއިންޓެވެ. ބްރައިޓަންގެ އެމެރިކަން އެކްސްޕްރެސް ސްޓޭޑިއަމްގައި ކުޅުނު މި މެޗުގައި ފެނިގެންދިޔަ ހަމައެކަނި ލަނޑަކީ މެޗުގެ 9 ވަނަ މިނިޓުގައި އާސެނަލްގެ ބުކަޔޯ ސަކާ ކާމިޔާބުކޮށްދީފައިވާ ލަނޑެކެވެ.
ބްރައިޓަން އިން ގިނައިރު ބޯޅަ ހިފަހައްޓައިގެން ކުޅެފައިވާ މި މެޗުގައި އެ ޓީމުން ވަނީ ލަނޑު ޖަހާނެ ގިނަ ފުރުސަތުތަކެއް ތަނަވަސްކޮށްފަ އެވެ. ނަމަވެސް އެއިން ފުރުސަތެއް ގޯލުގެ ތެރެއަށް ފޮނުވާލެވޭ ގޮތް އެ ޓީމަށް ވަނީ ނުވެފަ އެވެ. އެގޮތުން މެޗުގެ ކުރީކޮޅު އާސެނަލްގެ ކީޕަރު ޑޭވިޑް ރާޔާ ޖައްސާލި ބޯޅައެއް ބްރައިޓަންގެ ކާލޯސް ބަލޭބާ އަށް ލިބުނު ނަމަވެސް އޭނާ ފޮނުވާލި ބޯޅަ ގޯލަށް ވަނުމުގެ ކުރިން އާސެނަލްގެ ޑިފެންޑަރަކު ވަނީ މަތަކޮށްފަ އެވެ. މި މެޗުގެ ފުރިހަމަ ވަގުތު ހަމަވުމުން އާސެނަލްގެ ކުޅުންތެރިން ވަނީ މި މެޗުން މޮޅުވުމުން އެކަން ވަރަށް ބޮޑަށް ފާހަގަކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0