Read Time:2 Minute, 52 Second
(ފޮޓޯ ކްރެޑިޓްސް: ރައީސް އޮފީސް)
މަތީ ތަޢުލީމާ ބެހޭ ވަޒީރު ޑރ. ޢަލީ ޙައިދަރު ވިދާޅުވީ، 2026 ވަނަ އަހަރުން ފެށިގެން ސްޓޫޑެންޓް ލޯނަށް އެދުމުގެ ފުރުޞަތު ވަކި ޑެޑްލައިނެއް ނެތި މުޅި އަހަރަށް ހުޅުވާލާނެ ކަމަށެވެ. މި ބަދަލު ގެންނަނީ ކުރިން ކަނޑައެޅިފައި އޮންނަ ވަކި ތާރީޚެއްގެ ތެރޭގައި ލޯނަށް ހުށަހެޅުން ބައެއް ދަރިވަރުންނަށް ދަތިވެ، ފުރުޞަތު ގެއްލޭ ހާލަތްތައް ދިމާވެފައިވާތީ ކަމަށް ވަޒީރު ފާހަގަކުރެއްވިއެވެ. މި ބަދަލާ ގުޅިގެން ލޯނަށް ހުށަހަޅާއިރު ބޭނުންވާ ލިޔުންތަކަށްވެސް ބަދަލު އަންނާނެ ކަމަށް ވަޒީރު ވިދާޅުވިއެވެ. ހުށަހަޅަންޖެހޭ ލިޔުންތަކުގެ ތެރޭގައި ކިޔަވައިދޭ މަރުކަޒުން ދޫކޮށްފައިވާ ޕްލޭސްމަންޓް ނުވަތަ އޮފަރ ލެޓަރ، ޕްރޮގްރާމްގެ ފީ ސްޓްރަކްޗަރ، އެމް.ކިޔު.އޭ.ގެ ރެކޮގްނިޝަން ލެޓަރ، އަދި ރެގިޔުލޭޓަރީ ހުއްދައެއް ބޭނުންވާ ދާއިރާއަކުން ކިޔަވާ ނަމަ ހުއްދަ ދޭ ޕްރޮގްރާމެއްކަން ސާބިތުކޮށްދޭ ލިޔުން ހިމެނެއެވެ.
ވަޒީރު ވިދާޅުވީ ލޯނު ހުޅުވާލެވޭނީ ކުރިއަށް އޮތް ބަންދު ދުވަސްތަކަށްފަހު ކަމަށާއި، ދަރިވަރުން ދުރާލާ ލިޔުންތައް ތައްޔާރުކޮށްގެން ތިބުމަށް ގޮވާލެއްވިއެވެ. ފުރިހަމަ އެޕްލިކޭޝަނެއް ހުށަހަޅާ ދަރިވަރުންނަށް ލޯނު ހަމަޖެހިގެން ދިޔުން ކުރީ އަހަރުތަކަށްވުރެ ވަރަށް ބޮޑަށް އަވަސްވާނެ ކަމަށްވެސް ވަޒީރު ވިދާޅުވިއެވެ. މީގެ އިތުރުން، ދަރިވަރުންނަށް ދޫކުރެވޭ ލޯނަކީ ޝަރީޢާ ކޮމްޕްލަޔަންޓް ލޯނަކަށް ހެދުމުގެ ގޮތުން، ލޯނު އަނބުރާ ދެއްކުމުގައި ސަރވިސް ޗާޖެއް ނުނެގުމަށް ރައީސް ޑރ. މުޢިއްޒު ވަނީ ކުރިން ނިންމަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0