Read Time:1 Minute, 59 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މަސްތުވާތަކެއްޗާ ދެކޮޅަށް ސަރުކާރުން ކުރަމުންދާ މަސައްކަތްތަކުގެ ބޮޑު ބަދަލެއް މިއަހަރު ފެންނާނެ ކަމަށް ދާޚިލީ ސަލާމަތާ ބެހޭ ވުޒާރާގެ ސްޓޭޓް މިނިސްޓަރު އަޙުމަދު ޞިއްދީޤު ވިދާޅުވެއްޖެއެވެ. ރާއްޖޭގައި 10،000 އެއްހާ މީހުން މަސްތުވާތަކެތި ބޭނުންކުރާ ކަމަށް އަންދާޒާކުރެވޭއިރު، މިއީ އާބާދީގެ ނިސްބަތުން ބޮޑު އަދަދެއްކަން ފާހަގަކުރައްވައި، މި މައްސަލަ ހައްލުކުރުމަށް ރައީސުލްޖުމްހޫރިއްޔާ ޚާއްސަ އިސްކަމެއް ދެއްވާކަމަށް އޭނާ ވިދާޅުވިއެވެ. އެގޮތުން މަސްތުވާތަކެތި އެތެރެވުން ހުއްޓުވުމާއި، ވަބާގައި ޖެހިފައިވާ މީހުންނަށް ފަރުވާދީ އަނބުރާ މުޖުތަމަޢަށް ނެރުމަށް ދައުލަތުން ބޮޑު ހޭދައެއް ކުރަމުންދާކަން ޞިއްދީޤު ފާހަގަކުރެއްވިއެވެ. މިހާރުވެސް ރާއްޖޭގެ 9 ސަރަހައްދެއްގައި ރިހެބިލިޓޭޝަން ސެންޓަރުތައް ހިންގަމުންދާއިރު، އިތުރު ރަށްތަކުގައި ސެންޓަރުތައް ގާއިމުކޮށް، ތަޢުލީމާއި ތަމްރީނު ހިމެނޭހެން ފަރުވާގެ ނިޒާމު ވަރުގަދަކުރުމުގެ މަސައްކަތް ދަނީ ކުރެވެމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0