Read Time:2 Minute, 1 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ވޭތުވެދިޔަ ހަފުތާގައި ރާއްޖޭގެ ވައި ވަރަށް ބޮޑަށް ނުސާފުވުމަށްފަހު، މިހާރު ދުންފުހުގެ އަސަރު ކުޑަވެ ދުރު ފެންނަ މިންވަރު އިތުރުވަމުންދާ ކަމަށް މޫސުމާ ބެހޭ ގައުމީ އިދާރާއިން ވަނީ ވިދާޅުވެފައެވެ. އެންމެ ބޮޑަށް ވައި ނުސާފުވިއިރު 1.5 ކިލޯމީޓަރަށް ފެންނަ މިންވަރު ދަށްވި ނަމަވެސް، މިހާރު އެ މިންވަރު ވަނީ 4 ކިލޯމީޓަރަށް ރަނގަޅުވެފައެވެ. މާލެ ސަރަހައްދުގައި އަދިވެސް ނުސާފުކަން ކޮންމެވެސް ވަރަކަށް ހުރި ނަމަވެސް، ކުރިއާ އަޅާބަލާއިރު މުޅި ރާއްޖޭގައިވެސް ވައިގެ ތަޣައްޔަރުކަން ވަނީ ދަށަށް ގޮސްފައެވެ. މިގޮތަށް ވައި ނުސާފުވަނީ އިރުވައި މޫސުމުގައި އިންޑިއާ އާއި ހިމާލިޔާ ސަރަހައްދުން އަންނަ ދުމުގެ ސަބަބުން ކަމަށްވާތީ، މުޅި މޫސުމުގައިވެސް މިކަމުގެ އަސަރު ފެނުން އެކަށީގެންވެއެވެ. އެހެންކަމުން، ނޭވާލާ ނިޒާމުގެ މައްސަލަތައް ހުންނަ މީހުންނާއި ކުޑަކުދިން ފަދަ ނާޒުކު ފަރާތްތަކުން ރައްކާތެރިކަމުގެ ފިޔަވަޅު އެޅުމަށާއި، ބޭރަށް ނިކުންނަ އިރު މާސްކު އެޅުމަށް އެޗް.ޕީ.އޭ އިން އިލްތިމާސްކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0