Read Time:2 Minute, 3 Second
ދެމެހެއްޓެނިވި އިޤްތިޞާދީ ކުރިއެރުމަށްޓަކައި ވިޔަފާރިވެރިންގެ ބައިވެރިވުމާއި މަޝްވަރާ ހޯދުމަކީ މުހިންމު ކަމެއް ކަމަށް އިޤްތިޞާދީ ވަޒީރު މުޙައްމަދު ސަޢީދު ވިދާޅުވެއްޖެއެވެ. “އޮތެންޓިކް މޯލްޑިވްސް” އަށް 6 އަހަރު ފުރުން ފާހަގަކުރުމަށް ބޭއްވި ޙަފްލާގައި ވަޒީރު ވިދާޅުވީ، ކުދި ވިޔަފާރިތަކަށް ލުއިތައް ދިނުމަށް ސަރުކާރުން ނިންމާފައިވާ ނިންމެވުންތަކާއެކު ވިޔަފާރިވެރިންނާ ގަވާއިދުން ބައްދަލުކުރައްވާނެ ކަމަށެވެ.
ދިވެހި އުފެއްދުންތެރިންނަށް ފުރުޞަތު ހޯދައިދޭ “އޮތެންޓިކް މޯލްޑިވްސް” މިހާރު ވަނީ ބޮޑު ކާމިޔާބީއެއް ހޯދާފައެވެ. އެގޮތުން 407 ވިޔަފާރިއަކުން މި މަރުކާގައި ރަޖިސްޓަރީވެފައިވާއިރު، އަލީބާބާ ފަދަ ބައިނަލްއަޤްވާމީ ޕްލެޓްފޯމްތަކުގައި ތަކެތި ވިއްކުމުގެ ފުރުޞަތު ވެސް ވަނީ ފަހިވެފައެވެ. މީގެ އިތުރުން، ސަޕްލަޔަރުންނަށް ދޫކުރާ ފައިސާގެ އެއްބައި ޑޮލަރުން ދޭން ފެށުމަކީ ވިޔަފާރިތަކަށް ލިބުނު ބޮޑު ލުޔެކެވެ. ކުރިއަށް އޮތް އަހަރުތަކުގައި މި މަރުކާ ރާއްޖެއާއި ރާއްޖޭން ބޭރުގައި އިތުރަށް ފުޅާކުރުމަށް ވަނީ އަމާޒު ހިފާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0