Read Time:1 Minute, 40 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސާފް ވިމެންސް ފުޓްސަލް ޗެމްޕިއަންޝިޕަށް ތައްޔާރުވާން އެންމެ ފުރިހަމަ ވަސީލަތްތައް ނެތް ނަމަވެސް، އެކަމުގެ އުޒުރު ނުދައްކައި ރަނގަޅު ނަތީޖާއެއް ހޯދަން މަސައްކަތްކުރާނެ ކަމަށް ގައުމީ އަންހެން ފުޓްސަލް ޓީމުގެ ކޯޗު އާތިފް މުހައްމަދު ބުނެފިއެވެ. ތައިލެންޑަށް ފުރުމުގެ ކުރިން އޭނާ ފާހަގަކުރި ގޮތުގައި، ތައްޔާރުވާން ލިބުނު ކުޑަ ދުވަސްކޮޅުގެ ތެރޭގައި ޓީމުން ކުރި މަސައްކަތާއެކު މުބާރާތުގައި ކާމިޔާބީ ހޯދޭނެ ކަމުގެ އުއްމީދު އެބައޮތެވެ. ރާއްޖޭގެ ފުރަތަމަ މެޗުގައި ވަރުގަދަ އިންޑިއާއާ ދެކޮޅަށް ނުކުންނައިރު، ކޯޗު ބުނީ ވަސީލަތްތަކުގެ ދަތިކަމަށް ވުރެ ބޮޑަށް އިސްކަންދޭނީ އެންމެ ފުރިހަމަ ކުޅުން ދައްކައިގެން ކާމިޔާބު ހޯދުމަށް ކަމަށެވެ. މި މަހުގެ 13 އިން 27 އަށް ކުރިއަށްދާ މި މުބާރާތުގައި ސަރަހައްދުގެ ހަތް ގައުމަކުން ވާދަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0