Read Time:2 Minute, 20 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ތައިލެންޑުގައި ބާއްވާ ސާފް ވިމެންސް ފުޓްސަލް ޗެމްޕިއަންޝިޕަށް ރާއްޖޭގެ އަންހެން ފުޓްސަލް ޓީމު ފުރާފައިވާއިރު، ފިރިހެން ޓީމެކޭ އެއްފަދައިން އަންހެން ޓީމަށްވެސް އިތުބާރުކޮށް ހިތްވަރު ދިނުމަށް ކެޕްޓަން ފާތިމަތު ޝާލިޔާ އެދިއްޖެއެވެ. މިއީ ރާއްޖޭގެ އަންހެން ފުޓްސަލް ކުޅުންތެރިންނަށް ޤައުމީ ޓީމެއްގެ ގޮތުގައި ލިބުނު ފުރަތަމަ ފުރުސަތުކަން ފާހަގަކޮށް، ޝާލިޔާ ބުނީ ޓާފްގައި ފަރިތަކުރަން ޖެހުމާއި ބައިނަލްއަގްވާމީ ތަޖުރިބާ މަދުވުމަކީ ގޮންޖެހުމެއް ނަމަވެސް، ޓީމުން މުބާރާތަށް ފުރިހަމައަށް ތައްޔާރުވެފައިވާ ކަމަށެވެ.
ޖުމްލަ 7 ޤައުމު ވާދަކުރާ މި މުބާރާތުގެ ފުރަތަމަ މެޗުގައި ރާއްޖެ ނުކުންނާނީ މި ސަރަހައްދުގެ އެންމެ ތަޖުރިބާކާރު ޓީމު ކަމަށްވާ އިންޑިއާއާ ދެކޮޅަށެވެ. މެޗުގެ ކުރިން އިންޑޯ ޕިޗެއްގައި ފަރިތަކޮށްލަން ލިބޭ ފުރުސަތަކީ ޓީމަށް ލިބޭނެ ބޮޑު ކުރިއެރުމެއްކަމަށާއި، ރާއްޖޭގެ ކުޅުންތެރިންގެ ހުނަރަށް ބަލާއިރު ކާމިޔާބީގެ އުންމީދު ބޮޑުކަމަށް ޝާލިޔާ ބުންޏެވެ. ކޯޗު އާތިފް މުހައްމަދުގެ އިރުޝާދުގެ ދަށުން 14 ކުޅުންތެރިންގެ ސްކޮޑަކާއެކު ރާއްޖެއިން މަސައްކަތްކުރާނީ މި ސަރަހައްދުން ރާއްޖެއަށް ރީތި ނަމެއް ހޯދައިދިނުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0