Read Time:1 Minute, 51 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޅ. ފެލިވަރުގެ އެކްސްޕެންޝަން ޕްރޮޖެކްޓުގެ ދަށުން ތަރައްޤީކުރާ 4،500 ޓަނުގެ ކޯލްޑް ސްޓޯރޭޖް މިއަހަރުގެ ޖޫން މަހު ބޭނުންކުރަން ފެށޭނެ ކަމަށް މިފްކޯގެ މެނޭޖިންގ ޑިރެކްޓަރު ފަރުޙަތު ޝަހީރު ވިދާޅުވެއްޖެއެވެ. އިންޑިއާގެ ރައިނެކް ކުންފުންޏާ ހަވާލުކޮށްގެން ކުރިއަށްގެންދާ މި މަޝްރޫޢުގެ ދަށުން 200 ޓަނުގެ ބްރައިން ފްރީޒިންއާއި 80 ޓަނުގެ އާރު.އެސް.ޑަބްލިއު ސިސްޓަމެއް ޤާއިމުކުރުމުގެ އިތުރުން، އައު ކޭނަރީއެއް އެޅުމުގެ މަސައްކަތްވެސް ދަނީ ކުރަމުންނެވެ. މި މަޝްރޫޢު ނިމުމުން ފެލިވަރަށް ދުވާލަކު ކިރޭ މަހުގެ މިންވަރު 280 ޓަނަށް އިތުރުވެ، އުތުރުގެ މަސްވެރިން މަސްކިރުވުމަށް ކޫއްޑޫއަށް ކުރަންޖެހޭ ދިގު ދަތުރުތަކަށް ނިމުމެއް އައިސް، ތެލަށް ކުރާ ޚަރަދު ވަރަށް ބޮޑަށް ކުޑަވެގެންދާނެއެވެ. 22 މިލިއަން ޑޮލަރުގެ މި މަޝްރޫޢަކީ އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން ކުރިއަށްގެންދާ މުހިންމު މަސައްކަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0