Read Time:2 Minute, 14 Second
(ފޮޓޯ ކްރެޑިޓްސް: ރައީސް އޮފީސް)
ކުރިއަށް އޮތް ރަމަޟާން މަހު ބާޒާރުގައި ތަކެތީގެ އަގު އުފުލުނަ ނުދީ ހިފެހެއްޓުމަށް ސަރުކާރުން ވަނީ ހާއްސަ ފިޔަވަޅުތަކެއް އަޅާފައެވެ. މިގޮތުން އެސްޓީއޯ މެދުވެރިކޮށް، މީގެ ކުރިން އަސާސީ ބާވަތްތަކުގެ ގޮތުގައި ހިމެނޭ ތިން ބާވަތުގެ އިތުރަށް 23 ބާވަތެއް ބާޒާރުން މެދުކެނޑުމެއްނެތި ލިބޭނެ އިންތިޒާމު ވަނީ ހަމަޖައްސާފައެވެ. އަދި ރާއްޖޭގެ ހުރިހާ ރަށަކުންވެސް މި ތަކެތި ހެޔޮ އަގުގައި ލިބޭނެކަން ކަށަވަރު ކުރުމަށްޓަކައި އެސްޓީއޯގެ އޭޖެންޓުން މެދުވެރިކޮށް މަސައްކަތްތަކެއް ދަނީ ކުރަމުންނެވެ.
މީގެ އިތުރުން، ބާޒާރުގެ އަގުތަކަށް އަންނަ ބަދަލުތައް ދެނެގަތުމަށްޓަކައި ކޮންމެ ދުވަހަކު 162 ބާވަތެއްގެ މުދަލުގެ އަގު ސަރުކާރުން އަންނަނީ މޮނީޓަރ ކުރަމުންނެވެ. އިޤްތިޞާދީ ވަޒީރު މުޙައްމަދު ސަޢީދު ވިދާޅުވި ގޮތުގައި، މިއީ މިނިވަން ވިޔަފާރިއަށް ހުރަސްއެޅުމެއް ނޫން ކަމަށާއި، މިއީ ރައްޔިތުންނަށް އަތްފޯރާ އަގުގައި ތަކެތި ފޯރުކޮށްދިނުމަށް ސަރުކާރުން އަދާކުރާ ޒިންމާއެކެވެ. ސަރުކާރުގެ އަމާޒަކީ ހޯލްސޭލް އަގުތައް ހިފަހައްޓައިގެން ކުދި ވިޔަފާރިތަކަށާއި އާންމު ރައްޔިތުންނަށް ލުއި ފަސޭހަކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0