Read Time:3 Minute, 14 Second
(ފޮޓޯ ކްރެޑިޓްސް: އޭވިއޭޓާރސް މޯލްޑިވްސް)
މިދިޔަ އަހަރު ބައިނަލްއަޤްވާމީ އެއާލައިންތަކުން ރާއްޖެއަށް 15،000 އަށްވުރެ ގިނަ ދަތުރުކޮށްފައިވާ ކަމަށް ތަފާސްހިސާބުތަކުން ދައްކައިފިއެވެ. މިއީ، 2024 ވަނަ އަހަރާއި އަޅާބަލާއިރު %3.6 އިތުރު އަދަދެކެވެ. މޯލްޑިވްސް މަނިޓަރީ އޮތޯރިޓީ، އެމްއެމްއޭއިން އާންމުކޮށްފައިވާ ތަފާސްހިސާބުތައް ދައްކާ ގޮތުން 2025 ވަނަ އަހަރުގެ ޖަނަވަރީއިން ނޮވެމްބަރ މަހުގެ ނިޔަލަށް ރާއްޖެއަށް ބައިނަލްއަޤްވާމީ އެއާލައިންތަކުން 15،689 ދަތުރު ކޮށްފައިވެއެވެ. 2024 ވަނަ އަހަރުގެ މި މުއްދަތުގައި ކޮށްފައިވަނީ 15،143 ދަތުރެވެ. އެހެންކަމުން މިއީ، %3.6 އިތުރު އަދަދެކެވެ.
މި ރިޕޯޓުން ދައްކާ ގޮތުން މި މުއްދަތުގައި ޝެޑިއުލް ކޮށްގެން ރާއްޖެ އައިސްފައިވަނީ 14،400 ދަތުރެވެ. 2024 ވަނަ އަހަރުގެ މި މުއްދަތުގައި ޝެޑިއުލް ކޮށްގެން ރާއްޖެ އައިސްފައިވަނީ 13،896 ދަތުރެވެ. އެހެންކަމުން މިއީ %3.6 އިތުރުވުމެކެވެ.
ރާއްޖެ އަންނަ ޕްރައިވެޓް ޖެޓްތަކާއި ޗާޓަރ ފްލައިޓްތައްވެސް ދަނީ އިތުރުވަމުންނެވެ. 2025 ވަނަ އަހަރުގެ ނޮވެމްބަރ މަހުގެ ނިޔަލަށް މިގޮތަށް ރާއްޖެއަށް 1،289 ދަތުރު ވަނީ ކޮށްފައެވެ. 2024 ވަނަ އަހަރުގެ މި މުއްދަތުގައި ކޮށްފައިވަނީ 1،247 ދަތުރެވެ. އެހެންކަމުން މިއީ %3.3 އިތުރު އަދަދެކެވެ. ބައިނަލްއަޤްވާމީ ފްލައިޓް މޫވްމަންޓްސް އިތުރުވެފައިވާއިރު ރާއްޖެއަށް ދަތުރު ކުރާ ގިނަ އެއާލައިންތަކަކުން ދަނީ އެ އެއާލައިންތަކުން ރާއްޖެއަށް ކުރާ ޝެޑިއުލް ދަތުރުތައް އިތުރު ކުރަމުންނެވެ. ވެލާނާ އިންޓަނޭޝަނަލް އެއާޕޯޓުގެ އައު ޕެސެންޖަރ ޓާމިނަލް ހުޅުވުމާއިއެކު މިހާރު ރާއްޖެއަށް ދަތުރު ކުރާ ބައިނަލްއަޤްވާމީ ހުރިހައި އެއާލައިނެއްގެ އޮޕަރޭޝަންސްތައް ވަނީ އައު ޓާމިނަލަށް ބަދަލުކޮށްފައެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0