Read Time:3 Minute, 1 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ޣައްޒާގެ ކަނޑުގެ ސަރަހައްދު ބަންދުކޮށްފައި އޮތުމުން ކުރިމަތިވާ އިންސާނީ ދަތިތަކަށް ދުނިޔޭގެ ސަމާލުކަން ހޯދުމަށް މަސައްކަތްކުރާ “ގްލޯބަލް ސުމޫދު ފްލޮޓިލާ”ގެ ވަފުދެއް ރާއްޖެއަށް ޒިޔާރަތްކޮށް، ޚާރިޖީ ވަޒީރު ޑރ. ޢަބްދުﷲ ޚަލީލާއި ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުއްލޯއާ ބައްދަލުކުރައްވައިފިއެވެ. އިންޓަރނޭޝަނަލް އެއިޑް ކެމްޕޭން (އައިއޭސީ) ގެ ދަޢުވަތަކަށް ރާއްޖެ އައި މި ވަފުދުގެ ބޭފުޅުންނާ ބައްދަލުކުރައްވައި، ދިވެހި ދައުލަތުގެ އިސްވެރިން ވަނީ ފަލަސްތީނުގެ ހައްޤުގައި އެ ޖަމްޢިއްޔާއިން ކުރަމުންދާ މަސައްކަތްތަކަށް ތަޢުރީފުކުރައްވައި ހިތްވަރު ދެއްވާފައެވެ.
މި ބައްދަލުވުންތަކުގައި މަޖިލީހުގެ ރައީސް ވަނީ، ރާއްޖެއަކީ ފަތުރުވެރިކަމަށް ބަރޯސާވެފައިވާ ޤައުމަކަށް ވީނަމަވެސް، ފަލަސްތީނުގެ ހައްޤުގައި އިޒްރޭލު ޕާސްޕޯޓު މަނާކުރުމަށް ނިންމި ނިންމުމަކީ ރާއްޖެއިން އެޅި ހަރުދަނާ ފިޔަވަޅެއްކަން ފާހަގަކުރައްވާފައެވެ. އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ބައިނަލްއަޤުވާމީ މައިދާނުގައި ފަލަސްތީނަށް ވަކާލާތުކުރުމުގައި ދެމިއޮންނާނެކަމުގެ ޔަގީންކަން ދެއްވިއެވެ. މި ދަތުރުގެ މަޤްޞަދަކީ ފްލޮޓިލާގެ ހަރަކާތްތަކުގައި ދިވެހިންގެ ބައިވެރިވުން އިތުރުކުރުމާއި، ޣައްޒާއަށް އެހީތެރިކަން ފޯރުކޮށްދިނުމުގައި ރާއްޖެއާ ގުޅިގެން މަސައްކަތް ކުރުމެވެ. ސުމޫދު ފްލޮޓިލާއަކީ ސުލްހަވެރިކަމާއެކު ޣައްޒާގެ ބަންދު އުވާލައި، އިންސާނީ އެހީ ފޯރުކޮށްދިނުމަށް ވަކާލާތުކުރާ ބައިނަލްއަޤުވާމީ ހަރަކާތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0