Read Time:2 Minute, 32 Second
(ފޮޓޯ ކްރެޑިޓްސް: ރައީސް އޮފީސް)
ދިވެހިރާއްޖޭގެ އެއްވަނަ ކުޅިވަރު ކަމަށްވާ ފުޓުބޯޅަ، ފާއިތުވި އަހަރުތަކުގައި ކޮރަޕްޝަނާއި އިހުމާލުގެ ސަބަބުން ވަރަށް ބޮޑަށް ވަޅުޖެހި ފޯރި ކުޑަވެގެން ދިޔައެވެ. ނަމަވެސް، މިދިޔަ އަހަރު އަހްމަދު ޠާރިޤް (ޓޮމް) ގެ ލީޑަރޝިޕްގެ ދަށުން އެފްއޭއެމްގެ މަސައްކަތްތައް އަލުން ފެށުމާއެކު، ދިވެހި ފުޓުބޯޅައަށް ވަނީ އައު ދިރުމެއް ލިބެން ފަށާފައެވެ. މި ބަދަލުތަކަށް ދުނިޔޭގެ ފުޓުބޯޅައިގެ މައި އިދާރާ، ފީފާގެ ރައީސް ޖިއާނީ އިންފަންޓީނޯ ވެސް ވަނީ ތައުރީފު ކުރައްވާފައެވެ.
(ފޮޓޯ ކްރެޑިޓްސް: މިހާރު)
2025 ވަނަ އަހަރަކީ ދިވެހި ފުޓުބޯޅައިގެ ކާމިޔާބު އަހަރެކެވެ. ދެ އަހަރުގެ މެދުކެނޑުމަކަށްފަހު ދިވެހި ލީގު އަލުން ފަށައި، ނިއުރޭޑިއަންޓާއި ވިކްޓްރީ ފަދަ ބޮޑެތި ކުލަބުތައް އެނބުރި އައުމާއެކު ދަނޑަށް ސަޕޯޓަރުން ވަނީ ޖަމާވެފައެވެ. މީގެއިތުރުން، ދިވެހި ކޯޗެއްގެ އިރުޝާދުގެ ދަށުން ގައުމީ ޓީމުން ސައުތު އޭޝިއަން ސުޕާ ކަޕް ކާމިޔާބުކޮށް، ގިނަ ދުވަސްތަކަކަށްފަހު އަމިއްލަ ފަސްގަނޑުގައި ގައުމީ ޓީމު ކުޅުނު މެޗުތައް ފާހަގަކޮށްލެވެއެވެ. ފީފާގެ ރައީސް ރާއްޖެއަށް ކުރެއްވި ތާރީޚީ ދަތުރުފުޅާއި، އަންހެނުންގެ ލީގު އަލުން ފެށުމާއި، ފުޓުބޯޅަ އަތޮޅުތަކަށް ފުޅާކުރުމަށް ކުރެވުނު މަސައްކަތްތަކަކީ ދިވެހި ފުޓުބޯޅަ ކުރިއަށް ގެންދިއުމަށް އެޅުނު މުހިންމު ފިޔަވަޅުތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0