Read Time:1 Minute, 53 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާ ކުރެއްވި އިޚްލާސްތެރި މަސައްކަތްޕުޅުތަކާއެކު، ރާއްޖޭގެ ދަރަނިތައް ދެއްކޭނެ ކަމުގެ ފުރިހަމަ ޔަޤީންކަން އިންވެސްޓަރުންނަށް ލިބިފައިވާ ކަމަށް މާލީ ވަޒީރު މޫސާ ޒަމީރު ވިދާޅުވެއްޖެއެވެ. ކުރީ ސަރުކާރުން ވިއްކި 500 މިލިއަން ޑޮލަރުގެ ސުކޫކު އަނބުރާ ދެއްކުމަށް ބޭނުންވާ 9.3 ބިލިއަން ރުފިޔާ މިއަހަރުގެ ބަޖެޓުގައި ހިމަނާފައިވާއިރު، ރާއްޖެ ބަނގުރޫޓުވާނެ ކަމަށް ބުނެ ދެކެވުނު ވާހަކަތަކަށް ސަރުކާރުގެ ހަރުދަނާ މާލީ ސިޔާސަތުތަކުން ވަނީ އަމަލީ ޖަވާބެއް ދީފައެވެ. މިގޮތުން، މިއަހަރުގެ އެޕްރީލް މަހު 67.4 ސެންޓަށް ވެއްޓުނު ސުކޫކުގެ އަގު މިހާރު 90 އަށް ވުރެ މައްޗަށް އަރާފައިވުމަކީ އިންވެސްޓަރުންގެ އިތުބާރު އިއާދަވެފައިވާ ކަމުގެ ހެއްކެކެވެ. ދަރަނި ދެއްކުމަށް ބޭނުންވާ ފައިސާ މިހާރު އެއްކުރަމުންދާ ކަމަށާއި، އަންނަ އަހަރުގެ އެޕްރީލް މަހު ސުކޫކު ދެއްކޭނެ ކަމުގެ ފުރިހަމަ ޔަޤީންކަން އޮތް ކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
100 %
Surprise
0 %
0
0