Read Time:2 Minute, 38 Second
ޕޯޗުގަލްގެ މަޝްހޫރު ފުޓްބޯޅަ ކުޅުންތެރިޔާ ކްރިސްޓިއާނޯ ރޮނާލްޑޯ (40) ބުނެފައި ވަނީ ސިއްހަތު ސަލާމަތުން ހުރެއްޖެނަމަ، ﷲގެ އިރާދަފުޅާއެކު، ކެރިއަރުގައި 1000 ގޯލު ހަމަކުރަން ބޭނުންވާ ކަމަށެވެ. ގްލޯބް ސޮކަ އެވޯޑްސްގައި އޭނާ މިކަން ހާމަކުރިއިރު، 2023 ގައި ސައުދީ އަރަބިއްޔާގެ އައް ނަސްރަށް ބަދަލުވި ފަހުން ޖެހިޖެހިގެން ތިން ވަނަ ފަހަރަށް މެދުއިރުމަތީގެ އެންމެ މޮޅު ކުޅުންތެރިޔާގެ އެވޯޑް ވެސް ވަނީ ހޯދާފައެވެ.
ރޮނާލްޑޯ މިހާތަނަށް ޖުމްލަ 956 ގޯލު ކާމިޔާބުކޮށްފައިވާއިރު، އޭނާ ވަނީ 30 އަހަރު ފުރުނު ފަހުން 493 ގޯލު ޖަހައިގެން، 60 އަހަރަށް ވުރެ ގިނަ ދުވަސް ވަންދެން އޮތް ރޮނީ ރޫކްގެ ރެކޯޑު މުގުރާލާފައެވެ. 30 އަހަރު ފުރުމުގެ ކުރިން އޭނާ ވަނީ 718 މެޗުން 463 ގޯލު ޖަހާފައެވެ. އަދި 2010 އިން ފެށިގެން ކޮންމެ އަހަރަކު މަދުވެގެން 40 ގޯލު ޖަހާފައިވެއެވެ. އައް ނަސްރު މިހާރު ލީގުގައި ކުޅުނު ފުރަތަމަ 10 މެޗުން މޮޅުވެފައިވާއިރު، ރޮނާލްޑޯ އާއި ޔާއޯ ފެލިކްސް ޖަހާފައިވަނީ 12 ގޯލެވެ.
މި އަހަރުގެ ގްލޯބް ސޮކަ އެވޯޑްސްގައި އެންމެ މޮޅު ކުޅުންތެރިޔާގެ އެވޯޑް ޕީއެސްޖީގެ އުސްމާން ޑެމްބެލޭ ހޯދިއިރު، އެންމެ މޮޅު ކޯޗަކަށް ޕީއެސްޖީގެ ލުއިސް އެންރީކޭ، 21 އަހަރުން ދަށުގެ އެންމެ މޮޅު ކުޅުންތެރިޔަކަށް ޑީޒިރޭ ޑޫއޭ، އެންމެ މޮޅު މިޑްފީލްޑަރަކަށް ވިޓީނިއާ، އަދި އެންމެ މޮޅު ފޯވާޑްގެ މަގާމާއި މަރަޑޯނާ އެވޯޑް ބާސެލޯނާގެ ލަމީން ޔަމާލް ވަނީ ހޯދާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0