ރާއްޖެއަށް ޒިޔާރަތް ކުރި %58.7 ފަތުރުވެރިން އައީ ވިލާތުން

Read Time:3 Minute, 25 Second

.(ފޮޓޯ ކްރެޑިޓްސް: އެމްއޭސީއެލް)

މިއަހަރުގެ ނޮވެމްބަރ މަހުގެ ނިޔަލަށް ރާއްޖެއަށް ޒިޔާރަތް ކުރި ފަތުރުވެރިންގެ ބޮޑު ބައެއް ހިއްސާކުރަނީ ވިލާތުގެ ޤައުމުތަކުން ރާއްޖެއަށް އައި ފަތުރުވެރިން ކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކައިފިއެވެ. މި މުއްދަތުގެ ތެރޭގައި ރާއްޖެއަށް ޒިޔާރަތް ކުރި ފަތުރުވެރިންގެ ތެރެއިން %58.7 އަކީ ވިލާތުގެ ފަތުރުވެރިންނެވެ. ފަތުރުވެރިކަމާއި ތިމާވެއްޓާއި ބެހޭ ވުޒާރާއިން އާންމުކޮށްފައިވާ ތަފާސްހިސާބުތައް ދައްކާގޮތުން އޮކްޓޯބަރ މަހުގެ ނިޔަލަށް ރާއްޖެއަށް 2 މިލިޔަނަށްވުރެ ގިނަ ފަތުރުވެރިން ވަނީ ޒިޔާރަތްކޮށްފައެވެ. މީގެތެރެއިން 1.1 މިލިޔަން ފަތުރުވެރިން ޒިޔާރަތްކޮށްފައިވަނީ، ވިލާތުގެ ޤައުމުތަކުންނެވެ. އެއީ، ރާއްޖެ އައި ފަތުރުވެރިންގެ %58.7 އެވެ.

ވިލާތުގެ ސަރަހައްދުތަކުގެ ތެރެއިން މި މުއްދަތުގައި ރާއްޖެއަށް އެންމެ ގިނަ ފަތުރުވެރިން ޒިޔާރަތްކޮށްފައިވާ ސަރަހައްދުތައް:

* މެދުތެރޭ އަދި އިރުމަތީ ވިލާތުގެ ޤައުމުތަކުން: 427،788 ފަތުރުވެރިން
* ހުޅަނގު ވިލާތުގެ ޤައުމުތަކުން: 297،161 ފަތުރުވެރިން
* ދެކުނު ވިލާތުގެ ޤައުމުތަކުން: 223،871 ފަތުރުވެރިން
* އުތުރު ވިލާތުގެ ޤައުމުތަކުން: 217،021 ފަތުރުވެރިން
* އިރުމަތީ މެޑިޓަރޭނިއަން ވިލާތުގެ ޤައުމުތަކުން: 20،555 ފަތުރުވެރިން

ވިލާތުގެ ޤައުމުތަކުގެ ތެރެއިން ވަކިވަކި ޤައުމުތަކަށް ބަލާއިރު އެންމެ ގިނައިން ފަތުރުވެރިން އައި ޤައުމުތައް:

* ރަޝިއާ: 253،835 ފަތުރުވެރިން
* އިނގިރޭސިވިލާތް: 181،301 ފަތުރުވެރިން
* ޖަރުމަނުވިލާތް: 152،739 ފަތުރުވެރިން

ފަތުރުވެރިކަމާ ބެހޭ ވުޒާރާގެ ތަފާސްހިސާބުތައް ދައްކާގޮތުން މިއަހަރުގެ ފުރަތަމަ 11 މަސްދުވަހު ވިލާތުގެ ޤައުމުތަކުން ރާއްޖެއަށް ޒިޔާރަތް ކުރި ފަތުރުވެރިންގެ އަދަދު މިދިޔަ އަހަރުގެ މި މުއްދަތާއި އަޅާބަލާއިރު ވަނީ %10.6 އިތުރުވެފައެވެ.