Read Time:2 Minute, 11 Second
(ފޮޓޯ ކްރެޑިޓްސް: މިހާރު)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވައުދާ އެއްގޮތަށް، އެކަނި ދަރިން ބަލަހައްޓާ މައިންނާއި ބަފައިންނަށް ދައުލަތުން ދެމުންދާ އެހީ 12،000 ރުފިޔާއަށް ބޮޑުކުރަން ސަރުކާރުން ނިންމައިފިއެވެ. ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން ގެނައި ބަދަލާއެކު، ކުރިން ހަތަރު ކުދިންނާ ހަމައަށް ކޮންމެ ކުއްޖަކަށް ދެމުންއައި 2،000 ރުފިޔާގެ ބަދަލުގައި މިހާރު ކޮންމެ ކުއްޖަކަށް 3،000 ރުފިޔާ ލިބޭނެއެވެ. އެހެންކަމުން، ހަތަރު ކުދިން ބަލަހައްޓާ ފަރާތްތަކަށް މަހެއްގެ މައްޗަށް 12،000 ރުފިޔާ ލިބޭނެއެވެ.
އޭގެ އިތުރަށް، ހަތަރު ކުދިންނަށްވުރެ ގިނަ ކުދިން ތިބި އާއިލާތަކަށް ކުރިންވެސް ދެމުންއައި ގޮތަށް، އިތުރުވާ ކޮންމެ ކުއްޖަކަށް މަހެއްގެ މައްޗަށް 1،000 ރުފިޔާ ދައުލަތުން ދެމުންދާނެއެވެ.
ޒަމާނަށް އައި ބަދަލުތަކާއި ތަކެތީގެ އަގު ބޮޑުވުމާ އެކަށީގެން ނުވާ މިންވަރެއްގެ އެހީއެއް ކަމަށް ގިނަ ބަޔަކު ބުނަމުންދިޔަ ނަމަވެސް، ފާއިތުވި ސަރުކާރުތަކުން އެއްވެސް ބަދަލެއް ނުގެނެއެވެ. ރައީސް ޑރ. މުޢިއްޒު މި ނިންމެވުމާ ގުޅިގެން ގިނަ ބަޔަކު ދަނީ އެމަނިކުފާނަށް ޝުކުރު އަދާކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0