Read Time:2 Minute, 53 Second
ދިވެހި ބަހާއި ސަޤާފަތާއި ތަރިކައާއި ބެހޭ ވަޒީރު އާދަމް ނަސީރު އިބްރާހިމް ވިދާޅުވީ، ބ. ތުޅާދޫއާއި ރ. މީދޫގެ ޒަމާންވީ ގުޅުން އެހެން ރަށްތަކުން ނަމޫނާ ނަގަންޖެހޭ ކަމަށެވެ. ޤައުމީ އެއްބައިވަންތަކަމުގެ ދުވަސް ފާހަގަކުރުމަށް ތުޅާދޫގައި ބޭއްވި ހަރަކާތެއްގައި ވާހަކަ ދައްކަވަމުން ވަޒީރު ވަނީ، ތަރިކައަކީ ކޮންމެ ބައެއްގެ މުހިންމު އެއްޗެއް ކަމަށާއި އެތަކެތި ޙިމާޔަތް ކުރުމަކީވެސް މުހިންމު ކަމެއް ކަމުގައި ފާހަގަކުރައްވާފައެވެ. މީދޫ ރައްޔިތުން ތުޅާދޫގައި ބިނާކޮށްދެއްވި ބިނާގެ ވާހަކަވެސް ވަޒީރު ފާހަގަކުރެއްވިއެވެ.
ތަރިކަޔަކީ ޤައުމެއްގެ ބަޔަކު އެއްބައެއްގެ ގޮތުގައި ހަދައިދޭ އެއްޗެއް ކަމަށާއި ޤައުމެއް ދެމިއޮތުމުގައި ތަރިކަ މުހިންމު ދައުރެއް އަދާކުރާ ކަމަށް ވަޒީރު ވިދާޅުވިއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރާއްޖޭގެ ސަޤާފަތާއި ތަރިކަ ދިރުވާ އާލާކުރުމަށް ގެންގުޅުއްވާ ސިޔާސަތަށާއި، ޤައުމިއްޔަތުގެ މަޝްރޫއުގެ ދަށުން ތަރިކަ ހިމާޔަތްކޮށް އެއްބައިވަންތަކަން އާލާކުރުމުގެ މުހިންމުކަމަށް ވަޒީރު އަލިއަޅުއްވާލެއްވިއެވެ. ތުޅާދޫއާއި މީދޫ ރައްޔިތުންގެ ގުޅުން ބިނާވެފައިވަނީ އިންސާނިއްޔަތުކަމާއި އިސްލާމީ އަދި ދިވެހިވަންތަކަމުގެ މައްޗަށް ކަމަށް ވިދާޅުވެ، އެއްބައިވަންތަކަން ދަމަހައްޓައި، މި ދެރަށުގެ ގުޅުމުން ނަމޫނާ ނަގައި އެހެން ރަށްތަކުންވެސް ގުޅުން ބަދަހިކުރުމަށް ވަޒީރު އެދިލެއްވިއެވެ. މުސްތަޤުބަލާއި ކުރިއެރުން އޮތީ އެއްބައިވަންތަކަންމަތީ ތިބެގެން ކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0