Read Time:3 Minute, 33 Second
2004 ވަނަ އަހަރުގެ ޑިސެންބަރު 26 ގައި ރާއްޖެއަށް ކުރިމަތިވި ސުނާމީ ކާރިސާއަކީ ދިވެހިންގެ ހިތްތަކުން ފިލައިގެންނުދާނެ ބިރުވެރި ހަނދާނެކެވެ. އިންޑޮނޭޝިއާގެ ސުމަޓްރާއަށް އައި ބިންހެލުމަކާ ގުޅިގެން ރާއްޖޭގެ ގަޑިން ހެނދުނު 9:20 ހާއިރު އަރައިގަތް ބިޔަ ރާޅުތަކުގެ ސަބަބުން އެތައް އާއިލާއެއްގެ ދިރިއުޅުން ސުންނާފަތިވެ، 82 މީހުން މަރުވެ، 26 މީހުން ގެއްލި، 23 ރަށަށް ބޮޑެތި ގެއްލުންތަކެއް ލިބުނެވެ. މީގެ ތެރެއިން 4 ރަށެއް މުޅިން ނެތިގެން ދިޔައިރު، 15،000 އަށްވުރެ ގިނަ މީހުންނަށް ގެދޮރު ގެއްލި، 13 ރަށް ހުސްކުރަން ޖެހުނެވެ. ޤައުމީ އިޤްތިޞާދަށާއި ތަރައްޤީއަށް ބޮޑެތި ގެއްލުންތަކެއް ލިބި، މުޅި ޤައުމު ހުއްޓުމަކަށް އައެވެ.
ނަމަވެސް މި ބިރުވެރި ކާރިސާގައި ދިވެހިން ދެއްކީ އާދަޔާޚިލާފު އެއްބައިވަންތަކަމާއި އެކުވެރިކަމެވެ. ސަރުކާރުގެ އިދާރާތަކާއި ސިފައިންނާއި ފުލުހުން ގުޅިގެން މަސައްކަތްކުރުމުގެ އިތުރުން، ރައްޔިތުންވެސް އިސްނަގައިގެން އެކަކު އަނެކަކަށް ވަގުތުން އެހީތެރިކަން ފޯރުކޮށްދިނެވެ. މަސްދޯނިތަކާއި ބޯޓުފަހަރުގައި ހާލުގައި ޖެހުނު ރަށްރަށަށް ކާބޯތަކެއްޗާއި ބޭހާއި އެހެނިހެން ޒަރޫރީ ތަކެތި ފޯރުކޮށްދިނުމުގެ މަސައްކަތް ހިނގިއެވެ. ދިވެހިންގެ މި އެއްބައިވަންތަކަން ފާހަގަކުރުމުގެ ގޮތުން 2005 ވަނަ އަހަރުން ފެށިގެން ކޮންމެ އަހަރެއްގެ ޑިސެންބަރު 26 ވަނަ ދުވަސް ފާހަގަކުރަމުން އަންނަނީ “ދިވެހިންގެ އެއްބައިވަންތަކަމުގެ ދުވަސް” ގެ ގޮތުގައެވެ. މި ދުވަހުގެ މަޤްޞަދަކީ ކާރިސާގައި ދިރިއުޅުން ގެއްލުނު ފަރާތްތަކުގެ ހަނދާން އާކުރުމާއި، ދިވެހިންގެ މެދުގައި އޮންނަ އެކުވެރިކަމާއި އެއްބައިވަންތަކަމުގެ ރޫޙު ދިރުވައި އާލާކުރުމެވެ. ދިވެހިންގެ ދީނާއި ސަޤާފަތުގެ މުހިންމު ބައެއް ކަމުގައިވާ އެއްބައިވަންތަކަމަކީ ޤައުމު އަމާން އައްސޭރިއަކަށް ގެންގޮސްދޭނެ އަސާސެއް ކަމުގައި ދެކި، ދެމެހެއްޓުމަށް އަބަދުވެސް މަސައްކަތްކުރަން ޖެހެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0