Read Time:2 Minute, 34 Second
(ފޮޓޯ ކްރެޑިޓްސް: ރައީސް އޮފީސް)
ރައީސް ޑރ. މުހައްމަދު މުއިއްޒު ވިދާޅުވެފައިވަނީ ގިނަ ޑޮމެސްޓިކް އެއާޕޯޓުތައް ހެދުމުގެ ބަދަލުގައި، ވައިގެ ދަތުރުފަތުރުގެ ނިޒާމެއް ގާއިމުކުރުމަށް އެހެން ގޮތްތަކެއް ހޯދުމަކީ މުހިންމު ކަމެއް ކަމަށެވެ. އެގޮތުން، ކުދި މަތިންދާބޯޓުތަކަށް ޖެއްސޭނެ އެއާސްޓްރިޕްތައް ހެދުމަކީ ކުރެވިދާނެ ކަމަށް އެމަނިކުފާނު ފާހަގަކުރެއްވިއެވެ. މި ހިޔާލުފުޅު ރައީސް ހުށަހެޅުއްވީ ޔޫތު ކޮންފަރެންސް ނިންމުމުގެ ރަސްމިއްޔާތެއްގައި ޒުވާނަކު، ގިނަ އެއާޕޯޓުތައް އެޅުމުގެ ބަދަލުގައި ސީޕްލޭން ފަދަ އެހެން ގޮތްތަކެއް ހޯދުމަށް ދެއްކެވި ވާހަކައަކާ ގުޅިގެންނެވެ.
ރައީސް ވިދާޅުވީ ސީޕްލޭން ރޭގަނޑު އޮޕަރޭޓު ނުކުރެވުމަކީ ހުރަހެއް ކަމަށެވެ. ނަމަވެސް، މިހާރުގެ ސީޕްލޭން ސައިޒުގެ ބޯޓުތަކުގައި ފުރޮޅު ހަރުކޮށްގެން، 600 މީޓަރު ދިގު އެއާސްޓްރިޕްތަކެއް ހަދައިފިނަމަ، އެތައް ރަށަކަށް ރޭގަނޑު ވެސް މަތިންދާބޯޓުގައި ދަތުރުކުރެވޭނެ ކަމަށެވެ. މީގެ ސަބަބުން ގިނަ އެއާޕޯޓުތައް ހަދާކަށް ނުޖެހޭނެ ކަމަށް ވެސް އެމަނިކުފާނު ވިދާޅުވިއެވެ.
މިކަމާ ގުޅިގެން ފާހަގަކުރަން ޖެހޭ ކަމަކީ، ކުރީގެ ސަރުކާރުތަކުންނާއި، ރައީސް މުއިއްޒު ވެސް ރިޔާސީ ވައުދުގައި ހިމެނިފައިވަނީ ކޮންމެ ރަށަކުން 30 މިނެޓުގެ ތެރޭގައި އެއާޕޯޓަކަށް ދެވޭނެ އިންތިޒާމެއް ހަމަޖެއްސުމަށްޓަކައި ގިނަ އެއާޕޯޓުތައް އެޅުން ކަމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0