Read Time:2 Minute, 57 Second
(ފޮޓޯ ކްރެޑިޓްސް: މަޒީން)
މާލޭގައި ތަރައްގީކުރުމަށް ނިންމާފައިވާ ރޭސިން ޓްރެކް އަޅާނީ މާލެ-ހުޅުމާލެ ހައިވޭ ކައިރީގައި ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހާމަކުރައްވައިފިއެެވެ. ރައީސް އެހެން ވިދާޅުވީ ރޭ ޒުވާނުންނާއެކު ކުރިއަށް ގެންދިޔަ “ޔޫތު ކޮފީ ވިތު ޕްރެޒިޑެންޓް” އިވެންޓްގައި ޒުވާނަކު ކުރި ސުވާލަކަށް ޖަވާބު ދެއްވަމުނެވެ. ރައީސް ވިދާޅުވީ މާލެ އަދި އައްޑޫގައި ރޭސިން ޓްރެކް އަޅާނެ ކަމަށެވެ. “މިހާރު މާލެ ސަރަހައްދުގައި ޓްރެކް އަޅާނެ ތަން ކަނޑައަޅައި، އެ މަޝްރޫއު މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އާ ހަވާލުކުރަން ވަނީ ނިންމާފައި.” ރައީސް ވިދާޅުވިއެވެ.
އެ ޓްރެކް މީހުން ދިރިއުޅޭ ސަރަހައްދެއްގައި ގާއިމްކޮށްފިނަމަ އުނދަގޫތަކާ ކުރިމަތިވާނެ ކަމަށް ރައީސް ވިދާޅުވިއެވެ. އެހެންކަމުން ރޭސިން ޓްރެކް ތަރައްގީ ކުރުމަށް އެންމެ ރަނގަޅު ތަނެއްގެ ގޮތުގައި ކަނޑައަޅާފައިވަނީ ހައިވޭއާ ޖެހިގެން ބޭރަށް ކަމަށް ވިދާޅުވިއެވެ. ރައީސް ވިދާޅުވީ އެ ތަނުގައި ރޭސިން ޓްރެކް އެޅުމުގެ މަސައްކަތް އެމްއޭސީއެލްއިން ވަރަށް އަވަހަށް ފަށާނެ ކަމަށެވެ. ރައީސް އެހެން ވިދާޅުވިއިރު އަންނަ އަހަރަށް ލަފާކުރާ ބެޖެޓްގައި ކުޅިވަރާއި މުނިފޫހިފިލުވުމުގެ ޕްރޮގްރާމުތަކަށް 403 މިލިއަން ރުފިޔާ ވަނީ ހިމަނާފައެވެ. އޭގެ ތެރެއިން ރޭސިން ޓްރެކްތަކެއް އެޅުމަށް ބަޖެޓުގައި 2.4 މިލިއަން ރުފިޔާ ވަނީ ކަނޑައަޅާފައެވެ.
ޒުވާނުންނަށް ތަފާތު ކުޅިވަރުތަކުގައި ބައިވެރިވުމުގެ ފުރުސަތު ހޯދައިދީ، ހުނަރު ތަރައްގީ ކުރުމަށް އެހީތެރިވުމަކީ މި ސަރުކާރުގެ ވަރަށް ބޮޑު އަމާޒެކެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0