Read Time:3 Minute, 24 Second
(ފޮޓޯ ކްރެޑިޓްސް: މިހާރު)
އޮޑިޓަރ ޖެނެރަލްގެ އޮފީހުގެ ރިޕޯޓެއްގައިވާ ގޮތުން، އެމްޑީޕީ ސަރުކާރުގައި ފެނަކަ ކޯޕަރޭޝަންގެ މެނޭޖިން ޑިރެކްޓަރަކަށް އަޙުމަދު ސަޢީދު ހުންނެވި އިރު، އޭނާގެ އާއިލީ ތިން ކުންފުންޏަކަށް 49.7 މިލިއަން ރުފިޔާގެ މަސައްކަތް ބިޑަކާ ނުލައި ހަވާލުކޮށްފައިވެ އެވެ. މިގޮތުން ޖުމްލަ 31.1 މިލިއަން ރުފިޔާ ދޫކޮށްފައިވާ ކަމަށް ރިޕޯޓުގައި ބުނެފައިވެ އެވެ. ފެނަކައިގެ 2021-2023 ގެ ޚާއްސަ އޮޑިޓަށް ފަހު ނެރުނު މި ރިޕޯޓުގައި ބުނެފައިވާ ގޮތުން، ސަޢީދުގެ ޅިޔަނުންނާއި ޅިޔަނެއްގެ ދަރިއެއްގެ ކުންފުނިތަކަށް މުދަލާއި ޚިދުމަތް ހޯދުމުގެ 92 އެއްބަސްވުމެއް ހެދި އެވެ. އެއީ:
- ޝެލްޓާ ހޯލްޑިންގްސް ޕްރައިވެޓް ލިމިޓެޑް: 84 އެއްބަސްވުމުގެ ދަށުން 22.2 މިލިއަން ރުފިޔާގެ މަސައްކަތް (16.4 މިލިއަން ދޫކޮށްފައިވޭ). މައިގަނޑު ގޮތެއްގައި ރަށްރަށުގެ އިންޖީނުގެތަކާއި އޮފީސްތަކަށް އެލުމިނިއަމް ދޮރުޖެހުމުގެ މަސައްކަތް.
- ޕަވަރޭ އިންވެސްޓްމެންޓް ޕްރައިވެޓް ލިމިޓެޑް: 6 އެއްބަސްވުމުގެ ދަށުން 15.7 މިލިއަން ރުފިޔާގެ މަސައްކަތް (10.1 މިލިއަން ދޫކޮށްފައިވޭ). އާ އޮފީސް އިމާރާތަކާއި އިންޖީނުގެއަކާއި ތިން ރަށެއްގެ އިންޖީނުގެއަށް ފިއުލް ޓޭންކް ހެދުމުގެ މަސައްކަތް.
- ކޮރަލް އިންވެސްޓްމެންޓް ޕްރައިވެޓް ލިމިޓެޑް: 2 އެއްބަސްވުމުގެ ދަށުން 11.6 މިލިއަން ރުފިޔާގެ މަސައްކަތް (4.5 މިލިއަން ދޫކޮށްފައިވޭ). އިންޖީނުގެއަކާއި އޮފީސް އިމާރާތެއް އެޅުމުގެ މަސައްކަތް.
މި މައްސަލަތަކާ ގުޅިގެން 2021 ވަނަ އަހަރު އެންޓި ކޮރަޕްޝަން ކޮމިޝަން (އޭސީސީ) އިން އޭރުގެ ރައީސް އިބްރާހިމް މުޙައްމަދު ޞާލިޙްގެ ސަމާލުކަމަށް މިފަދަ ކޮރަޕްޝަނަށް މަގުފަހިވާ ކަންތައްތަކެއް ފެނަކަ ކޯޕަރޭޝަންގައި ހިނގަމުންދާކަން ގެނެސްފައިވީ ނަމަވެސް، އޭރުގެ ސަރުކާރުން އެކަމާ ގުޅިގެން އެއްވެސް ފިޔަވަޅެއް އަޅާފައެއް ނުވެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0