Read Time:2 Minute, 32 Second
ޒުވާން ވަކީލް މުހައްމަދު ޝައްފާން އަކީ އިނގިރޭސި ވިލާތުގެ އޮކްސްފޯޑުން ޕީއެޗްޑީ ހާސިލްކުރި ފުރަތަމަ ދިވެއްސެވެ. އުމުރުން 30 އަހަރުގެ ޝައްފާން، އޯ ލެވެލް އަދި އޭ ލެވެލްގައި ރާއްޖެއިން އެއްވަނަ ހޯދައި، ރައީސްގެ ސްކޮލަޝިޕްގައި މަތީ ތައުލީމު ފެށީއެވެ. އޭނާގެ ޕީއެޗްޑީ ތީސިސް ހެދީ ކޮޕީރައިޓް ގާނޫނުގައި ހިމެނޭ ޖިނާއީ ފިޔަވަޅުތަކުގެ ގާނޫނީ އަސާސްގެ މައްޗަށެވެ. ޝައްފާން މިހާރު ރާއްޖޭގެ ކޯޓުތަކުގައި ވަކާލާތު ކުރަމުންދާ އިރު، އޭނާގެ ތީސިސްގެ މައްޗަށް ބިނާކޮށް ބައެއް ދިރާސާތަކާއި ލިޔުންތައް ވެސް ލިޔަމުން އާދެއެވެ. އޮކްސްފޯޑުން ޕީއެޗްޑީ ފުރުސަތު ލިބުމަކީ އޭނާގެ ހަޔާތުގައި ލިބުނު އެންމެ ބޮޑު ކާމިޔާބީ ކަމަށް ޝައްފާން ވަނީ ފާހަގަކޮށްފައެވެ.
ކިންގްސް ކޮލެޖް ލަންޑަނުން ވެސް އެންމެ މޮޅު ދަރިވަރުންގެ ތެރޭގައި ޑިގްރީ ނިންމާފައިވާ ޝައްފާނަށް، ފިކުރީ މުދަލާ ބެހޭ ގާނޫނުން ހާއްސަވުމަށް ކެމްބްރިޖް ޔުނިވަރސިޓީން ވެސް ފުރުސަތު ލިބުނު ނަމަވެސް އޭނާ އިހުތިޔާރުކުރީ އޮކްސްފޯޑެވެ. މާސްޓާސްއަށް ވެސް އޮކްސްފޯޑުން 20,000 ޕައުންޑުގެ ސްކޮލަޝިޕެއް ލިބިފައިވެއެވެ. ޕީއެޗްޑީ ހަރަދުތަކުގެ ބައެއް އޮކްސްފޯޑް ލޯ ފެކަލްޓީން ދިންއިރު، އިތުރު ހަރަދުތައް ކުރީ އަމިއްލައަށެވެ. ރާއްޖެއިން ބޭރުގައި ކިޔަވަމުންދަނިކޮށް ވެސް އޭނާ ވަނީ އަމިއްލަ ލޯ ފާމަކާއި ގާނޫނީ ވެބްސައިޓެއް ހިންގާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0