Read Time:5 Minute, 56 Second
(ފޮޓޯ ކްރެޑިޓްސް: ރައީސް އޮފީސް)
ސިޓީތަކާއި ރަށްރަށުގެ އާންމު ތަންތަނާއި މަގުތައް ދިއްލުމަށް ކައުންސިލްތަކަށް ޑޮމެސްޓިކް ރޭޓުން ބިލުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ. މިގޮތަށް ނިންމަވާކަން ރައީސުލްޖުމްހޫރިއްޔާ ހާމަކުރެއްވީ ސޯޝަލް މީޑިއާ މެދުވެރިކޮށް ހިއްސާކުރެއްވި ޕޯސްޓެއްގައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ ރާއްޖޭގެ ހުރިހާ ސިޓީއަކާއި ރަށްރަށުގެ މަގުތަކާއި އާންމު ތަންތަން ދިއްލުމަށް ކައުންސިލްތަކަށް ޑޮމެސްޓިކް ރޭޓުން ފެނަކަ ކޯޕަރޭޝަން ނުވަތަ ސްޓެލްކޯއިން ބިލުކުރުމަށް ނިންމަވާފައިވާ ކަމަށެވެ. މި ބަދަލާ އެއްގޮތަށް ބިލުކުރަން ފަށާނީ އަންނަ އަހަރުގެ ޖެނުއަރީ މަހުގެ އެކަކުން ފެށިގެން ކަމަށް އެމަނިކުފާނު ވިދާޅުވިއެވެ.
ރައީސް ވިދާޅުވީ މި ބަދަލަކީ ލާމަރުކަޒީ ނިޒާމު އިތުރަށް ތަރައްގީ ކުރުމަށް ކުރެވޭ ކަންކަމުގެ ތެރެއިން ގެންނަވާ ބަދަލެއް ކަމަށެވެ. މި ބަދަލާއެެކު ރަށްރަށުގެ މުނިސިޕަލް އެހެން ޚިދުމަތްތަކަށް ޚަރަދު ކުރަން ކައުންސިލްތަކަށް ލިބޭ ޢަދަދު ބޮޑުވެގެންދާނެ ކަމަށް އެމަނިކުފާނު ވިދާޅުވިއެވެ.
ލާމަރުކަޒީ ނިޒާމު އިތުރަށް ތަރައްޤީ ކުރުމަށް ކުރެވޭ ކަންކަމުގެ ތެރެއިން، ޖެނުއަރީ 1، 2026 އިން ފެށިގެން،ރާއްޖޭގެ ހުރިހާ ސިޓިތަކާއި ރަށްރަށުގައި މަގުތަކާއި ޢާއްމު ތަންތަން ދިއްލުމަށް ކައުންސިލް ތަކަށް ފެނަކަ/ސްޓެލްކޯ އިން ބިލް ކުރާނީ ޑޮމެސްޓިކް ރޭޓުން. ނަތީޖާއެއްގެ ގޮތުން…
— Dr Mohamed Muizzu (@MMuizzu) September 8, 2025
ރަށްރަށުގެ އާންމު ތަންތަނާއި މަގުތައް ދިއްލަން ހޭދަވާ ކަރަންޓު، ބިލު ކުރަނީ އެރަށެއްގެ ނުވަތަ ސިޓީއެއްގެ ކައުންސިލަށެވެ. މިހާރު އެފަދަ ތަންނަނަށް ބިލުކުރަނީ ސަރުކާރުގެ އިދާރާތަކަށް ރޭޓްކުރަން ޚާއްސަކޮށްފައިވާ މިންވަރަށެވެ. މީގެ ކުރިން ޑޮމެސްޓިކް ރޭޓުން ބިލްކުރަނީ ހަމައެކަނި މިސްކިތްތަކަށެވެ. މަގުތަކާއި ޕާކު ފަދަ އާންމު ތަންތަނަށް ބިލުކުރާ ރޭޓު މަތިވުމުގެ ސަބަބުން ކަރަންޓު ބިލު ބޮޑުވެ، ބައެއް ކައުންސިލްތަކަށް އެބިލުތައް ދައްކަން ދަތިތަކާ ދިމާވެއެވެ. މި ގެންނެވި ބަދަލާއެކު ކައުންސިލްތަކަށް އާންމު ތަންތަނާއި މަގުތައް ދިއްލުމަށް ކުރާ ހޭދަ އެތައް ގުނައެއް ކުޑަވެގެންދާނެއެވެ.
ރައީސް ވަނީ މިބަދަލުގެ އިތުރުންވެސް އަންނަ އަހަރުގެ ބަޖެޓާއެކު ލާމަރުކަޒީ ނިޒާމު އިތުރަށް ހަރުދަނާ ކުރެއްވުމަށް ގިނަ ކަންކަން ނިންމަވާފައެވެ. އެގޮތުން، ކައުންސިލްތަކަށް ސަރުކާރުން ދޭ ޢާންމު ހިލޭ އެހީގެ ފައިސާ ނުވަތަ ބްލޮކް ގްރާންޓް ފޯރުކޮށްދިނުމަށްޓަކައި ކަނޑައަޅާފައިވާ ފިސްކަލް ފޯރމިއުލާގައިވާ ގޮތުން އާބާދީ ކުޑަ ރަށްތަކަށް ލިބޭމިންވަރު މަދުކަން ފާހަގަކުރެވޭތީ ފިސްކަލް ފޯރމިއުލާ މުރާޖާކުރުމުގައި ރަށުގެ ބޮޑުމިނަށް ރިއާޔަތްކުރެވޭ ގޮތަށް ބަދަލުކޮށް، 2026 ވަނަ އަހަރުގެ ބަޖެޓު ހުށަހަޅާއިރު މި ބަދަލާއެކު ހުށަހެޅުމަށް ނިންމަވާފަވާކަމަށް ރައީސުލްޖުމްހޫރިއްޔާ ވަނީ ވިދާޅުވެފައެވެ.
ކައުންސިލްތަކުގެ އިތުރުން ރަށްރަށުގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ބަޖެޓްވެސް ދެގުނަ ބޮޑު ކުރައްވައި އެ ކޮމިޓީގެ މެންބަރުންނަށް ލިބޭ ރަމަޟާން މަހުގެ އެލަވެންސަކީ ކައުންސިލް ބަޖެޓުން ލިބޭ އެއްޗެއްގެ ގޮތުގައި ރައީސް ވަނީ ނިންމަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0