Read Time:2 Minute, 51 Second
(ފޮޓޯ ކްރެދިޓްސް: މިހާރު)
ގެދޮރުވެރިޔާ މަޝްރޫއުގެ ދަށުން ހުޅުމާލެ 2 ގައި އިމާރާތްކުރާ ފްލެޓްތަކުގެ ތެރެއިން އެއް ޓަވަރުގައި މި ހަފުތާގައި މީހުންނަށް ދިރިއުޅެން ފެށޭނެ ކަމަށް ފަހި ދިރިއުޅުން ކޯޕަރޭޝަން (އެފްޑީސީ)ގެ މެނޭޖިން ޑިރެކްޓަރު ހަމްދާން ޝަކީލް ވިދާޅުވެއްޖެއެވެ. އެބޭފުޅާ ވިދާޅުވީ އެފްޑީސީން މަސައްކަތްކުރަނީ މި ހަފްތާ ނިމުމުގެ ކުރިން ފުރަތަމަ ޓަވަރުގައި ދިރިއުޅެވޭ ވަރަށް މަސައްކަތް ނިންމުމަށެވެ. މި މަޝްރޫއުގެ ދަށުން ހުޅުމާލެ 2 ގައި 17-18 ބުރީގެ 32 ޓަވަރުގައި ޖުމްލަ 4,000 ފްލެޓްގެ މަސައްކަތް ދަނީ ކުރަމުންނެވެ. މިހާތަނަށް ގާތްގަަނޑަކަށް 3,000 މީހުންނާ އެކު ފްލެޓް ހަވާލުކުރުމުގެ އެއްބަސްވުމުގައި ސޮއިކޮށްފައިވެ އެވެ. އެއްބަސްވުން ހަދަނީ ފްލެޓްތައް ނިމޭ ތަރުތީބުންނެވެ. ފްލެޓް ލިބުނު ބައެއް މީހުންނަށް ސެކިއުރިޓީ ޑިޕޮސިޓް ދެއްކުމުގެ ފުރުސަތު އެފްޑީސީގެ ޕޯޓަލް މެދުވެރިކޮށް ވަނީ ހުޅުވާލާފަ އެވެ.
މި މަޝްރޫއުގައި ހިމެނެނީ ދެ ކޮޓަރީގެ އަދި ތިން ކޮޓަރީގެ ފްލެޓެވެ.
- ދެ ކޮޓަރީގެ ފްލެޓް: ކުލި 7,000ރ.، މެއިންޓެނަންސް ފީ 1,000ރ.، ސެކިއުރިޓީ ޑިޕޮސިޓް 15,000ރ.
- ތިން ކޮޓަރީގެ ފްލެޓް: ކުލި 9,500ރ.، މެއިންޓެނަންސް ފީ 1,500ރ.، ސެކިއުރިޓީ ޑިޕޮސިޓް 25,000ރ.
ފްލެޓް ލިބޭ މީހުންގެ ލިސްޓާ ގުޅޭގޮތުން ކުރިން އިއުލާނުކުރި ލިސްޓު ރިވިއުކުރުމަށް ފަހު، މި ސަރުކާރުން ނިންމާފައިވަނީ ނޮވެމްބަރު 2023 ގެ ލިސްޓަށް ފްލެޓް ދިނުމަށެވެ. ކުރިން ހައުސިން މިނިސްޓްރީން ބުނެފައިވަނީ މި މަހުގެ ނިޔަލަށް ފްލެޓްތަކުގައި ދިރިއުޅެން ފެށޭވަރުވާނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0