Read Time:2 Minute, 55 Second
ހިޝާން އަހުމަދު ރާއްޖެ އައި ގޮތަށް، އޭނާއަށް ލިބުނު އަނިޔާތަކަށް އިންސާފު ހޯދުމަށް މަސައްކަތް ފަށައިފި އެވެ. މީގެ ހަ އަހަރު ކުރިން ކުޑަކުދިންނަށް ޖިންސީ ގޯނާ ކުރިކަމުގެ ތުހުމަތުކުރެވުނު ނަމަވެސް، ފުލުހުން ދައުވާކުރަން ފޮނުވުމުން ވެސް ޕީޖީ އޮފީހުން ވަނީ ހެކި ނެތް ކަމަށް ބުނެ މައްސަލަ ބޭރުކޮށްލާފަ އެވެ. މިކަމުގެ ސަބަބުން ގިނަ ހައްގުތަކެއް ގެއްލި، އޭނާ ފަސް އަހަރު ތުރުކީގައި އަމިއްލައަށް އަރުވާލެވިގެން އުޅުނެވެ. މިދިޔަ ބުދަ ދުވަހު ރާއްޖެ އައިސް، އޭނާ ގޭ ދޮށަށް ނުގޮސް ފުރަތަމަ ދިޔައީ ފުލުސް އޮފީހަށް ކަމަށް ބުނެ، އޭނާއަށް ލިބުނު ނާއިންސާފުތަކުގެ ވާހަކަ ދެއްކި ވީޑިއޯއެއް އާއްމުކުރި އެވެ. އޭނާ ބުނީ މި ތުހުމަތުތަކުގެ ސަބަބުން ދަތުރުފަތުރު ކުރުމާއި ވަޒީފާ އަދާކުރުން ފަދަ ހައްގުތައް ގެއްލި، އޭނާގެ މުދާ ވެސް ހިފަހައްޓާފައިވާ ކަމަށެވެ. ރާއްޖެ އައިތާ ދެ ވަނަ ދުވަހު، ފުލުހުން ދޮގު ތުހުމަތުކޮށް އަނިޔާކުރި ކަމަށް ބުނެ، ދައުލަތާ ދެކޮޅަށް ސިވިލް ކޯޓަށް މައްސަލައެއް ވެސް ހުށަހެޅި އެވެ.
ހިޝާން މީގެ ކުރިން ވެސް ނުކުޅެދޭ މީހުންނާއި އިޖްތިމާއީ މައްސަލަތަކާ ދެކޮޅަށް އަޑުއުފުލައިގެން މަޝްހޫރުވެފައިވާއިރު، މިފަހަރު ވެސް އޭނާ ވަނީ ވެލާނާ ބިލްޑިން ކައިރީގައި، އޭނާއަށް ލިބުނު ނާއިންސާފާ ދެކޮޅަށް އިހުތިޖާޖުކޮށްފަ އެވެ. މި އިހުތިޖާޖުގެ ތެރެއިން ހޯމްލޭންޑް މިނިސްޓަރު އަލީ އިހުސާން އޭނާއާ ބައްދަލުކޮށްފައިވާ ކަމަށް ވެސް ހިޝާން ވަނީ ފޭސްބުކްގައި ހިއްސާކޮށްފަ އެވެ. އޭނާ އުއްމީދުކުރަނީ މައްސަލަ އަވަހަށް ހައްލުވާނެ ކަމަށެވެ.
Happy
50 %
Sad
0 %
Excited
33 %
Sleepy
0 %
Angry
17 %
Surprise
0 %
0
0