Read Time:1 Minute, 59 Second
(ފޮޓޯ ކްރެޑިޓްސް: މިހާރު)
މިރޭ ހަނދު ކޭތަ ހިފާ ވަގުތު ރާއްޖޭގެ ބޮޑު ސަރަހައްދަކަށް އުޑުމަތި ސާފުވާނެ ކަމަށް މެޓް އޮފީހުން ލަފާކޮށްފި އެވެ. އުތުރާއި މެދުތެރޭ ހިސާބުތަކަށް އުޑުމަތި ސާފުވެ، ވިލާ މަދުވާނެ ކަމަށް ލަފާކުރެވޭ ނަމަވެސް، އައްޑުއަށް ކޮންމެވެސް ވަރަކަށް ވިލާކޮޅެއް އުޅެދާނެ އެވެ. މިއީ އޭޝިއާ، ޔޫރަޕް އަދި އެފްރިކާއަށް ފުރިހަމަ ހަނދުކޭތައަކާ އެކު “ބްލަޑް މޫން” އެއް ފެންނާނެ ވަރަށް ތަފާތު ރެޔެކެވެ. ހަނދު ރަތްކުލައިން ފެންނަނީ އިރުގެ އަލި ދުނިޔޭގެ ޖައްވުގެ ތެރެއިން ރިފްލެކްޓްވެ، ފެތުރިގެން ހަނދަށް ފޯރާތީ އެވެ. ރާއްޖެއަށް ކޭތަ ހިފަން ފަށާނީ މިރޭ 8:28 ގައި، ފުރިހަމަ ކޭތަ 10:30 އަށް ފެށި، 11:52 ގައި ނިމޭނެ އެވެ. އަދި ކޭތަ އެއްކޮށް ނިމޭނީ މެންދަމުން އަލިވެ 1:55 ގަ އެވެ.
ހަނދުކޭތައާ ގުޅިގެން، ރާއްޖޭގެ ހުރިހާ ރަށެއްގައި މިރޭ 11:12 ގައި ކޭތަ ނަމާދު ކުރުމަށް އިސްލާމިކް މިނިސްޓްރީން ވަނީ އަންގާފަ އެވެ. މިނިސްޓްރީން ބުނެފައި ވަނީ ނަމާދު ކުރަން ހަމަޖެހިފައި ވަނީ ކޮންމެ ރަށެއްގައި ވެސް ހުންނަ އެންމެ ބޮޑު މިސްކިތުގައި ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0