Read Time:2 Minute, 36 Second
ދައުލަތުގެ ފެން ކުންފުނި އެމްޑަބްލިޔުއެސްސީއަށް ބޭނުންވާ ޑޮލަރު، ޓޫރިޒަމް ސިނާއަތުން ހޯދޭނެ ގޮތްތައް ބަލަމުން އެބަ އާދެއެވެ. އެމްޑަބްލިޔުއެސްސީގެ މެނޭޖިން ޑިރެކްޓަރު އަބްދުލްމަތީން މުހައްމަދު ވިދާޅުވީ، ތެޔޮ ގަތުން ފަދަ ކަންކަމަށް އަހަރަކު 25 މިލިއަން ޑޮލަރު ބޭނުންވާ ކަމަށެވެ. ރާއްޖޭގައި ޑޮލަރު ލިބުމުގައި ދިމާވެފައިވާ ދަތިކަމުގެ ސަބަބުން ޑޮލަރު ހޯދުމަށް ކުރަންޖެހޭ ހޭދަ ބޮޑުވެ، ކުންފުނީގެ ހަރަދު އިތުރުވަމުންދާއިރު، ހިދުމަތްތަކުން ނަގާ އަގު ބޮޑުކޮށްގެން އެ ބައި ނުހޯދޭ ކަމަށް އޭނާ ފާހަގަކުރެއްވިއެވެ. މިކަމަށް ހައްލެއް ހޯދުމުގެ ގޮތުން، ކުންފުނީގެ ބޯޑުން މަޝްވަރާކޮށް، ޑޮލަރުން އާމްދަނީ ލިބޭނެ ގޮތްތައް ހޯދުމުގެ މަސައްކަތް ކުރަމުން އެބަދެއެވެ. އެގޮތުން، ޓޫރިޒަމް ފެސިލިޓީތައް ފަދަ ޑޮލަރުން އާމްދަނީ ލިބޭ ފަރާތްތަކުން، ފެން އަދި ނަރުދަމާގެ ހިދުމަތްތަކަށް ޑޮލަރުން ފައިސާ ދައްކާނެ ގޮތެއް ހެދޭނެތޯ ދިރާސާ ކުރަމުން އެބަދެއެވެ.
އަދި މީގެ އިތުރުން، އެމްޓީޑީސީން ހުޅުވަން ތައްޔާރުވަމުން އަންނަ ހދ. ނާގޯށީގެ ޓޫރިޒަމް މަޝްރޫއުގައި އެމްޑަބްލިޔުއެސްސީގެ ފެނާއި ނަރުދަމާ އެޅުމުގެ ފަންނީ ގާބިލުކަން ބޭނުންކޮށްގެން ޑޮލަރުން އާމްދަނީ ހޯދޭނެ ގޮތްތަކާމެދު ވެސް މަޝްވަރާ ކުރެވެމުން އެބަދެއެވެ. މި މަސައްކަތްތަކުގެ އެދެވޭ ނަތީޖާއެއް ކައިރި މުސްތަގުބަލެއްގައި ފެންނާނެ ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0