Read Time:2 Minute, 14 Second
(ފޮޓޯ ކްރެޑިޓްސް: މިހާރު)
އައްޑޫ ސިޓީގެ ބޮޑު ބަޔަކުން ރޭ މެންދަމު ކަރަންޓު ކެނޑުނީ، މީހަކު ފޭދޫގެ ކަރަންޓު ކޭބަލެއް ވަގަށް ނެގުމުގެ ބޭނުމުގައި ބުރިކުރަން އުޅުމުން ކަމަށް އައްޑޫ ސިޓީ ކައުންސިލުން މައުލޫމާތު ދީފިއެވެ. މި ހާދިސާގައި ކަރަންޓު ކޭބަލް ބުރިކުރަން އުޅުނު މީހާ ކަރަންޓުގައި ޖެހި، ބޯފަޅައި، ފިހިފައިވާ ކަމަށާއި، މިހާރު އޭނާއަށް ފަރުވާ ދެމުން އަންނަ ކަމަށް ކައުންސިލްގެ ހިތަދޫ މެންބަރު އިބްރާހިމް ޝިނާޒު ވިދާޅުވިއެވެ. ކަރަންޓުގައި ޖެހުނު މީހާ އެންމެ ފުރަތަމަ ފޭދޫ ސިއްހީ މަރުކަޒަށް ގެންދިޔަ ނަމަވެސް، އެވަގުތު އެތަނުގައި ކަރަންޓު ނެތުމުން، އައްޑޫ އިކުއިޓޯރިއަލް ހޮސްޕިޓަލަށް ފޮނުވާފައިވާ ކަމަށް ފޭދޫ ސިއްހީ މަރުކަޒުން ބުންޏެވެ.
ކަރަންޓު ކެނޑުނުތާ ގަޑިއެއްހާއިރުގެ ތެރޭގައި ބައެއް ސަރަހައްދުތަކަށް ކަރަންޓު ދެވުނު ނަމަވެސް، އަނެއް ބައި ސަރަހައްދުތަކަށް ކަރަންޓު ދެވުނީ ހަތަރު ގަޑިއިރު ފަހުންނެވެ. މީގެކުރިންވެސް މާލެއާއި ހުޅުމާލޭގައި ކަރަންޓު ކޭބަލާއި ޓްރާންސްފޯމަރުން ވައްކަން ކުރުމުގެ މައްސަލަތައް ވަނީ ހުށަހަޅާފައެވެ. އަދި މިފަދަ އެއް ހާދިސާއެއްގައި ކަރަންޓުގައި ޖެހިގެން މީހަކު މަރުވެފައިވެސް ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0