Read Time:3 Minute, 2 Second
ވިޔަފާރިވެރިޔާ އަދި ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހުމަދު ސިޔާމް މުހައްމަދު ވަރިވެއްޖެއެވެ. އުމުރުން 55 އަހަރުގެ ސިޔާމް އާއި 23 އަހަރުގެ ޒާރާގެ ކައިވެނި ބައްލަވައިގަތީ މިދިޔަ އަހަރުގެ އޮކްޓޫބަރު މަހުގެ 10 ވަނަ ދުވަހުއެވެ. އެމްޑީއޭގެ މެމްބަރު އަދި ވެލިދޫ ދާއިރާގެ މެންބަރު މުހައްމަދު އައްބާސް (ވެލިދޫ އައްބާސް) ސޯޝަލް މީޑިއާގައި މިރޭ ކުރެއްވި ޕޯސްޓެއްގައި ވިދާޅުވީ ސިޔާމް އާއި ޒާރާ ކައިވެނި ކުރެއްވީ އެކަކު އަނެކުން ދެކެ ލޯބިވެގެން ކަމަށެވެ. އަދި ކައިވެނި ރޫޅާލެއްވީ ވެސް ދެ ބޭފުޅުންގެ މެދުގައި ރީތި ގޮތުގައި މަޝްވަރާ ކުރެއްވުމަށް ފަހު، ސުލްހަވެރިކަމާއެކު ކަމަށް ވެސް އޭނާ ވިދާޅުވިއެވެ. މިދިޔަ އޮކްޓޫބަރު މަހުގެ ތެރޭގައި ކުރި އެ ކައިވެންޏަށް ގިނަ ބައެއްގެ ސަމާލުކަން ލިބުނެވެ. ބ. ކަމަދުއަށް އުފަން ނެށުންތެރިޔާ އާއި ސިޔާމްގެ އެ ކައިވެނި ވެފައިވަނީ މި ފަހުން ރާއްޖޭގައި ބޭއްވި އެންމެ ބޮޑު ކައިވެނި ޕާޓީއަށެވެ.
މިދިޔަ އަހަރުގެ އޮކްޓޯބަރު 10، ގައި ސިޔާމް އާއި ޒާރާ ކައިވެެނި ކުރީ ސިޔާމްގެ އޮޅުވެލިފުށި ރިސޯޓުގައެވެ. ކައިވެނީގެ ރަނެއްގެ ގޮތުގައި ކިޔާފައި ވަނީ 2024ރ. އެވެ. ސިޔާމްއަކީ ރާއްޖޭގެ އެންމެ މުއްސަނދިންގެ ލިސްޓުގައި ހިމެނޭ ބޭފުޅެކެވެ. ސިޔާމް މަޖިލީހަށް ހުށަހަޅުއްވާފައިވާ މާލީ ބަޔާނަކުން އެނގޭ ގޮތުގައި އަހަރެއްގެ ތެރޭގައި އޭނާއަށް ގާތްގަނޑަކަށް 35 މިލިއަން ޑޮލަރު ލިބެއެވެ. އެއީ 539 މިލިއަން ދިވެހި ރުފިޔާއެވެ. ސިޔާމް، ޒާރާއާ ކައިވެނި ބައްލަވައިގެންނެވިއިރު ވެސް ހުންނެވީ މޮރޮކޯގެ ބޭފުޅަކާ ކައިވެނި ބައްލަވައިގެންނެވެ. އެ ކައިވެނި އަދިވެސް އެ ގޮތުގައި ދެމިއެބައޮތެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0