Read Time:3 Minute, 18 Second
(ފޮޓޯ ކްރެޑިޓްސް: ރޮއިޓާރސް)
ކޮލަމްބިއާ ފޯވާޑް ލުއިސް ޑިއާޒް ގަތުމަށް ޖަރުމަނުގެ ބަޔާން މިއުނިކުން ހުށަހެޅި 58 މިލިޔަން ޕައުންޑުގެ ބިޑަށް ލިވަޕޫލްއިން ނޫނެކޭ ބުނެފިއެވެ. މި މަހުގެ ކުރީ ކޮޅު ވެސް ބަޔާންއިން ވަނީ އޭނާ ގަތުމަށް ލިވަޕޫލުން ކުރެން އަހައިފަ އެވެ. ނަމަވެސް ލިވަޕޫލްގެ ޖަވާބަކީ އޭނާ އަކީ ވިއްކާ ކުޅުންތެރިއެއް ނޫން ކަމަށެވެ. އުމުރުން 28 އަހަރިގެ ޑިއާޒް ވަނީ ލިވަޕޫލާއެކު 2027 ވަނަ އަހަރާ ހަމައަށް ކޮންޓްރެކްޓް ހަދައިގެންނެވެ. އޭނާ ގަތުމަށް ބަޔާންގެ އިތުރުން ސްޕޭނުގެ ބާސެލޯނާއިން ވެސް ދަނީ މަސައްކަތް ކުރަމުންނެވެ. ނަމަވެސް ލިވަޕޫލުން ކުޅުންތެރިޔާ ދޫކޮށްލަން އެއްބަހެއްނުވެ އެވެ.
ޑިއާޒް ވިއްކާނަމަ ލިވަޕޫލުން އެކަމާ ވިސްނާނީ ވެސް 100 މިލިއަން ޔޫރޯ ހުށަހަޅައިފިނަމަ އެކަނި ކަމަށް ވެސް ސްޕޭނުގެ އިނގިރޭސި ނޫސްތަކުން ބުނެ އެވެ. ނަމަވެސް މިއީ ބަޔާން އާއި ބާސެލޯނާ ވެސް ދޭން ބޭނުންވާ އަގެއް ނޫނެވެ. ޑިއާޒް ވަނީ ލިވަޕޫލާ ގުޅުނު ފަހުން މިދިޔަ ސީޒަނުގައި އެ ޓީމަށް 22 ގޯލު ޖަހައިދީފަ އެވެ. ޑިއާޒަކީ ބާސެލޯނާގެ ސަޕޯޓަރެކެވެ. އަދި އޭނާގެ ބައްޕަ ވަނީ އޭނާގެ ދަރިފުޅު ބާސެލޯނާގެ ޖާޒީގައި ކޮންމެވެސް ދުވަހަކުން ފެންނާނެ ކަމަށް އުއްމީދު ކުރާ ކަމަށް ކުރިން ބުނެފަ އެވެ.
ބާސެލޯނާއިން ޑޮއާޒް ގަތުމަށް އިތުރަށް މަސައްކަތް ކުރަން މި ފެށީ އެކުލަބުގެ މާލީ ހާލަތު ރަނގަޅުވާން ފެށުމުންނެވެ. ހާއްސަކޮށް ސްޕެނިޝް ލީގުން ދީފައިވާ މުސާރައިގެ އޮނިގަނޑުގެ ތެރެއިން ކުޅުންތެރިންނަށް ކުރެވޭ ހޭދަ އާއި މުސާރައިގެ ގޮތުގައި ދެވޭނެ އަދަދުގެ ލިމިޓް މިހާރު އެކުލަބަށް ވަނީ އިތުރުވެފަ އެވެ. މިހެންވެ ކުލަބުގެ ސްޕޯޓިން ޑައިރެކްޓަރު ޑެކޯ އެންމެ ބޮޑަށް ފާރަލަމުން އަންނަ އެއް ކުޅުންތެރިންތެރިއަކީ ވެސް ޑިއާޒް ކަމަށް ސްޕޭނުގެ ނޫސްތަކުން ބުނެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0