ގައުމުގެ ކުރިމަގު އާރާސްތުކުރުމަށް ޒުވާނުންނަށް ފުރުސަތުތައް ހޯދަދޭނަން- ރައީސް

Read Time:3 Minute, 17 Second

(ފޮޓޯ ކްރެޑިޓްސް: ވަގުތު)

ގައުމުގެ ކުރިމަތި އާރާސްތުކުރުމަށް ޒުވާނުންނަށް ފުރުސަތުތައް ހޯއްދައިދެއްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް މުއިއްޒު މިފަދައިން ވިދާޅުވީ ދުނިޔޭގެ އާބާދީ ދުވަހުގެ މުނާސަބާގައި އެމަނިކުފާނު “އެކްސްގައި” ކުރެއްވި ޕޯސްޓެއްގައެވެ. އެ ޕޯސްޓްގައި ރައީސް ވިދާޅުވީ ސަރުކާރުން މަސައްކަތް ކުރަމުންދަނީ އެކަށީގެންވާ ބޯހިޔާވަހިކަން ފޯރުކޮށްދީ، ކުޑަކުދިންގެ ފަރުވާ ހަރުދަނާކޮށް، ތައުލީމާއި ސިއްހީ ފުރުސަތުތައް ފަހިވެފައިވާ މާހައުލެއް ޒުވާނުންނަށް ގާއިމްކޮށްދިނުމަށް ކަމަށެވެ.

“ކައުންސެލިންނާއި ދަރިމައިވުމުގެ ސިއްހީ ނިޒާމު ހަރުދަނާކޮށް، ދިރިއުޅުމުގެ ނިންމުންތައް ނިންމުމުގައި ޒުވާނުންނަށް އެހީތެރިކަން ފޯރުކޮށްދޭންޖެހޭ.” ރައީސް ވިދާޅުވިއެވެ.

As we commemorate #WorldPopulationDay, let us reflect on the importance of ensuring equal opportunity and well-being for all. By 2062, one-fifth of the Maldivian population is projected to be over the age of 65. In light of this, this administration remains dedicated to shaping a…

— Dr Mohamed Muizzu (@MMuizzu) July 11, 2025

ދިވެހި އާބާދީއާ ގުޅޭ ހަރުދަނާ ސިޔާސަތުތައް އެކުލަވާލަންޖެހޭ ކަމަށް ވެސް ރައީސް ވިދާޅުވިއެވެ. އަދި ދޮށީ އުމުރުގެ ސަބަބުން ކުރިމަތިވާ ދަތިތަކަށް ޒުވާނުން ތައްޔާރުކުރަންޖެހޭ ކަމަށް ވެސް އެމަނިކުފާނު ކުރެއްވި ޕޯސްޓްގައި ވިދާޅުވިއެވެ.

ދުނިޔޭގެ އާބާދީ ދުވަސް ކޮންމެ އަހަރަކުވެސް ފާހަގަކުރަނީ ޖުލައި މަހުގެ 11 ވަނަ ދުވަހުގައެވެ. މިއަހަރުގެ އާބާދީ ދުވަހުގެ ޝިއާރަކީ “އިންސާފުވެރި އުންމީދީ މާހައުލެއްގައި އާއިލާތައް ބިނާކުރުމުގެ ފުރުސަތު ޒުވާނުންނަށް ހޯދައިދިނުން” މި ޝިއާރެވެ. މި ދުވަސް ވާހަކަވަނީ ބަވަނަވަމުންދާ ދުނިޔޭގައި ދިމާވަމުންދާ ގިންޖެހުންތަކާއި ބޮޑެތި އާބާދީތަކުން ކުރިމަތިލާނެ މަގުތައް ފަހިކޮށްދީ އެހީތެރިކަން ފޯރުކޮށްދިނުމަށެވެ.