Read Time:3 Minute, 28 Second
(ފޮޓޯ ކްރެޑިޓްސް: ރައީސް އޮފީސް)
ސިއްހީ ގިނަ ދިރާސާތަކެއް ހައްދަވައި، ސިއްހީ ދާއިރާއަށް ގިނަ ހިދުމަތްތަކެއް ކުރައްވާފައިވާ ބަޔޯމެޑިކަލް ރިސާޗް ސައިންޓިސްޓް، ޑރ. އިބްރާހިމް މުސްތަފާ އަވަހާރަވުމާއި ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތައުޒިޔާ ވިދާޅުވެއްޖެއެވެ. ރައީސް “އެކްސް”ގައި ކުރެއްވި ޕޯސްޓުގައި ވިދާޅުވީ ތައުލީމީ ގޮތުން މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ހާއްސަ އިނާމު 2012 ވަނަ އަހަރު ހާސިލުކުރައްވައިފައިވާ، އަދި ސިއްހީ ދާއިރާ ކުރިއެރުވުމަށާއި ދިރާސާތައް ކުރެއްވުމުގައި، ރާއްޖެއާއި ރާއްޖެއިން ބޭރުގެ ބައެއް ގައުމުތަކުގައި ވެސް މުހިންމު ހިދުމަތްތަކެއް ކޮށްދެއްވައިފައިވާ ޑރ. އިބްރާހީމް މުސްތަފާ އަވަހާރަވުމުގެ ހިތާމައިގައި، މަރުހޫމްގެ އާއިލާއަށް ތައުޒިޔާ ދަންނަވާ ކަމަށެވެ.
ރައީސް ވަނީ މަރުހޫމަށް ސުވަރުގޭގެ ދާއިމީ ނިއުމަތް، މާތްﷲ މިންވަރު ކޮށްދެއްވުން އެދި ދުއާ ދަންނަވައިފައެވެ. އައްޑޫ ސިޓީ، ހުޅުދޫއަށް އުފަން ޑރ. އިބްރާހިމް މުސްތަފާ އަވަހާރަވެފައިވަނީ ރޭގެ ވަގުތެއްގައި އިންޑިއާގެ ކޮޗިންގައެވެ. އޭނާ އަވަހާރަވިއިރު، އުމުރަފުޅަކީ 57 އަހަރެވެ. އާލާސްކަންފުޅާ އުޅުއްވާތާ ގިނަ ދުވަސްތަކެއްވެފައިވާ ޑރ. އިބްރާހިމް މުސްތަފާ ކޮޗިންއަށް ގެންދިޔައީ އިތުރު ފަރުވާއަށެވެ. ނަމަވެސް އޭނާ ފަރުވާ ހޯއްދަވަމުން ގެންދެވީ ކޮން ބައްޔަކަށް ކަމެއް އެނގިފައެއް ނުވެއެވެ.
އޭނާ އެންމެ ފަހުން ހުންނެވީ ޔޫއޭއީގެ ހަޔާ ކޮލެޖް އޮފް ޓެކްނޮލޮޖީގެ އެސިސްޓެންޓް ޕްރޮފެސާ އޮފް ބަޔޯމެޑިކަލް ސައިންސްގެ މަގާމުގައެވެ. އޭނާ އަކީ ކެނެޑާގެ ޔުނިވާސިޓީ އޮފް ބްރިޓިޝް ކޮލޮމްބިއާއިން ޕެތޮލޮޖީ އެންޑް ލެބޯޓްރީ މެޑިސިންގެ ދާއިރާއިން ޕީއެޗްޑީ ހާސިލުކުރައްވާފައިވާ ބޭފުޅެކެވެ. މީގެ އިތުރުން އޭނާ ވަނީ ތެލެސީމިއާގެ ގިނަ ދާއިރާތަކުން ވެސް ދިރާސާތަކެއް ހައްދަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0