މާލީ ސިޔާސަތާ ގުޅޭގޮތުން 100 އަށް ވުރެ ގިނަ އިންވެސްޓަރުންނަށް މައުލޫމާތު ދީފި

Read Time:3 Minute, 51 Second

(ފޮޓޯ ކްރެޑިޓްސް: މާލީ ވުޒާރާ)

އިންވެސްޓަރުންނާއި އޮންނަ ގުޅުން ބަދަހިކޮށް، ރާއްޖޭގެ އިގްތިސާދާއި މާލިއްޔަތާ ގުޅޭގޮތުން މުހިއްމު މައުލޫމާތު ދިނުމަށް މާލީ ކަންކަމާއި ތަރައްގީގެ ރޭވުންތެރިކަމާ ބެހޭ ވުޒާރާއިން ހާއްސަ މައުލޫމާތު ސެޝަނެއް މިއަދު ބާއްވައިފިއެވެ. މި ސެޝަން ބޭއްވުނީ ރާއްޖޭގެ މާލީ އަދި ފިސްކަލް ކަންކަމާ ބެހޭގޮތުން އިންވެސްޓަރުންނަށް މައުލޫމާތުދީ، އެފަރާތްތަކުގެ ހުރި ސުވާލުތަކަށް ޖަވާބުދިނުމުގެ ގޮތުންނެވެ. މި ސެޝަންގައި އިންވެސްޓަރުންނަށް މައުލޫމާތު ދެއްވާފައިވަނީ މާލީ ވަޒީރު މޫސާ ޒަމީރާއި، މޯލްޑިވްސް މަނިޓަރީ އޮތޯރިޓީގެ ގަވަރުނަރު އަހުމަދު މުނައްވަރުއެވެ. މީގެއިތުރުން މި ދެ އޮފީހުގެ އިސްވެރިންވެސް މި ސެޝަންގައި ބައިވެރިވެ، އިންވެސްޓަރުންގެ ސުވާލުތަކަށް ޖަވާބު ދެއްވާފައިވެއެވެ.

(ފޮޓޯ ކްރެޑިޓްސް: މާލީ ވުޒާރާ)

ދުނިޔޭގެ އެކި ކަންކޮޅުތަކުން 100 އަށްވުރެ ގިނަ އިންވެސްޓަރުން ބައިވެރިވި މި ބައްދަލުވުމުގައި، ރާއްޖޭގެ މާލީ ހާލަތާއި، އިގްތިސާދީ ކުރިއެރުންތަކާއި، އަދި ކުރިއަށް އޮތްތަނުގައި ރާއްޖޭގެ އިގްތިސާދު ހަރުދަނާކުރުމަށް ސަރުކާރުން އަޅާނެ ފިޔަވަޅުތަކާ ގުޅޭގޮތުން ތަފްސީލު ގޮތެއްގައި މައުލޫމާތު ދީފައިވެއެވެ. މިފަދަ ސެޝަންތަކަކީ ރައްޖޭގެ މާލީ ހާލަތާއި ގުޅޭ މައުލޫމާތު ފޯރުކޮށްދީ އިންވެސްޓަރުންގެ އިތުބާރު އިތުރުކޮށް، އެފަރާތްތަކައި އޮންނަ ގުޅުން ދެމެހެއްޓުމަށް ކުރެވޭ މުހިއްމު ކަމެކެވެ. މި ސެޝަން ބޭއްވުމުގެ މައިގަނޑު މަގްސަދަކީ ރާއްޖޭގެ މާލީ ސިޔާސަތުގެ ސޫރަ އިންވެސްޓަރުންނަށް ދައްކައި، ރާއްޖޭގައި އިންވެސްޓުކުރުމަށް ބާރުއެޅުމެވެ.

ރާއްޖޭގެ މާލީ ހާލަތު އިހުނަށް ވުރެން ރަނގަޅު ކުރުމަށް އަދުގެ ސަރުކާރުން ދަނީ މަސައްކަތްތަކެއް ކުރަމުންނެވެ. ހަމަ އެއާއެކު މަޑުމަޑުން ރާއްޖޭގެ މާލީ ހާލަތު ރަނގަޅުވަމުން އަންނަކަން ވަނީ ސަރުކާރުގެ އެކިއެކި މުއައްސަސާތަކުންނާއި، ސެންޓަރަލް ބޭންކުންވެސް ދަނީ ވިދާޅުވަމުންނެވެ. ހަމައެއާއެކު ރާއްޖެއަށް އިތުރު އިސްވެސްޓަރުން ގެނައުމަށް ވެސް ގިނަގުނަ މަސައްކަތްތަކެއް ދަނީ ކުރަމުންނެވެ.