
(ފޮޓޯ ކްރެޑިޓްސް: ރިޒްޓް ކާލްޓަން)
އައު ޤަވާއިދާއެކު ފަތުރުވެރިކަމުގެ ސިނާއަތުގައި މަސައްކަތްކުރާ ފަރާތްތައް ރަޖިސްޓްރީކުރުން ލާޒިމްވާނެކަމަށް ފަތުރުވެރިކަމާއި ތިމާވެއްޓާ ބެހޭ ވަޒީރުގެ ނައިބު މުޙައްމަދު މުންސިފް ރުޝްދީ ވިދާޅުވެއްޖެއެވެ. މުންސިފް މިހެން ވިދާޅުވީ، ފަތުރުވެރިންގެ ސަލާމަތާއި ރައްކާތެރިކަން ކަށަވަރުކުރުމަށް އެކުލަވާލާ ޤަވާއިދާ ގުޅިގެން، ރައްޔިތުންގެ މަޖިލީހުގެ ޤަވާއިދު ކޮމިޓީގެ މެމްބަރަކު ކުރެއްވި ސުވާލަކަށް ޖަވާބުދެއްވަމުންނެވެ.
ފަތުރުވެރިންނަށް މޫދު ކުޅިވަރުތަކާއި އެކްސްކާޝަން ޚިދުމަތްތައް ރައްކާތެރި މާހައުލެއްގައި ފޯރުކޮށްދިނުމާއި ގުޅޭ ޤަވާއިދެއް އެކުލަވާލުމަށް ފަތުރުވެރިކަމާއި ތިމާވެއްޓާބެހޭ ވުޒާރާއިން ދަނީ ގިނަ މަސައްކަތްތަކެއް ކުރަމުންނެވެ. މި ޤަވާއިދުގެ މައިގަނޑު މަޤްޞަދަކީ ފަތުރުވެރިންގެ ސަލާމަތާއި ރައްކާތެރިކަން ކަށަވަރުކުރުމާއެކު، މޫދާއި ގުޅުންހުރި ކުޅިވަރުތަކާއި އެކްސްކާޝަން ޚިދުމަތްތައް ރައްކާތެރި މާޙައުލެއްގައި ފޯރުކޮށްދިނުންކަމަށް އެ ވުޒާރާއިން ވިދާޅުވެއެވެ.

(ފޮޓޯ ކްރެޑިޓްސް: ކިހާ ހޮލިޑޭ މޯލްޑިވްސް)
މިކަމާ ގުޅޭގޮތުން ރައްޔިތުންގެ މަޖިލީހުގެ ޤަވާއިދު ކޮމިޓީގެ މެންބަރަކު ކުރެއްވި ސުވާލަކަށް ޖަވާބުދެއްވަމުން، ފަތުރުވެރިކަމާއި ތިމާވެއްޓާ ބެހޭ ވަޒީރުގެ ނައިބު މުޙައްމަދު މުންޞިފް ރުޝްދީ ވިދާޅުވީ، މާޒީގައި ފަތުރުވެރިންނަށް ދިމާވެފައިވާ ހިތާމަވެރި ހާދިސާތަކުގެ މައިގަނޑު ސަބަބަކީ މި ދާއިރާގައި މަސައްކަތްކުރާ ފަރާތްތައް ރަޖިސްޓަރީ ނުކޮށް ޚިދުމަތް ފޯރުކޮށްދެމުން ގެންދިއުންކަމަށެވެ. “އަސްލު ގިނަފަހަރަށް ހާދިސާތައް ހިންގާފައި މިވަނީ ޓޫރިޒަމް ސިނާއަތުގައި މަސައްކަތް ކުރާ ފަރާތްތަކުން ރަޖިސްޓްރީ ކުރަން ނުޖެހޭތީކަމަށް އަޅުގަނޑަށް ބެލެވެނީ. ނަމަވެސް މިހާރު އަޅުގަނޑުމެން މި ޑްރާފްޓުކުރެވޭ ގަވާއިދުގައި މިފަދަ ފަރާތްތަކުން ރަޖިސްޓަރީ ކުރަން އެބަ ލާޒިމް ކުރެވޭ.” ފަތުރުވެރިކަމާ ބެހޭ ވަޒީރުގެ ނައިބު މުޙައްމަދު މުންސިފް ރުޝްދީ ވިދާޅުވިއެވެ.
ޤަވާއިދު ކޮމިޓީގައި ވާހަކަދައްކަވަމުން، ފަތުރުވެރިކަމާ ބެހޭ ވުޒާރާގެ ޑިރެކްޓަރ ޖެނެރަލް އާއިޝަތު ޢަލީ ވިދާޅުވީ، މި އައު ޤަވާއިދުގެ ސަބަބުން ފަތުރުވެރިކަމުގެ ސިނާޢަތުގައި ހަރުދަނާ ނިޒާމެއް ޤާއިމުވެ، ފަތުރުވެރިންގެ ރައްކާތެރިކަން އިތުރަށް ކަށަވަރުވެގެންދާނެ ކަމަށެވެ. “މި ފަހަރު އަޅުގަނޑުމެން އިސްކަމެއް ދިނީ އެއްވެސް ހާލެއްގައި އެކްސިޑެންޓެއް ނުހިނގާނެ ފަދަ ގޮތަކަށް ޤަވާއިދު އެކުލަވާލުމަށް. ވަކި ސަރަޙައްދުތަކެއްގައި އެކްސިޑެންޓްތައް ހިނގުމުގެ ފުރުޞަތު އޮތްކަމުގައި ވިޔަސް، މިހާރު މި އެކުލަވާލެވޭ ޤަވާއިދުގެ ސަބަބުން، ފަރުވާކުޑަކުރުމުގެ ސަބަބުން ނުވަތަ އެކަށީގެންވާ ވަރަށް ނުބެލެހެއްޓުމުގެ ސަބަބުން ނުވަތަ ހަރުދަނާ ޤަވާއިދެއް ނެތުމުގެ ސަބަބުން މިހާތަނަށް ދިމާވަމުން އައި ހިތާމަވެރި ހާދިސާތައް ތަކުރާރުވުން ހުއްޓުވޭނެ” ޑިރެކްޓަރ ޖެނެރަލް އާއިޝަތު ޢަލީ ވިދާޅުވިއެވެ.

(ފޮޓޯ ކްރެޑިޓްސް: ޓްރެވެލް ޓްރޭޑް މޯލްޑިވްސް)
ފަތުރުވެރިކަމާ ބެހޭ ވުޒާރާއިން ވިދާޅުވީ، މި އައު ޤަވާއިދުގައި ވޯޓަރ ސްޕޯޓްސް ސެންޓަރުތަކުން ޢަމަލުކުރަންޖެހޭ ވަކި ގައިޑްލައިންތަކެއް ކަނޑައެޅިފައިވާކަމަށެވެ. މީގެ ތެރޭގައި އެފަދަ ތަންތަނުގައި މަސައްކަތްކުރާ މުވައްޒަފުންގެ ކިބައިގައި ހުންނަންޖެހޭ ޝަރުޠުތަކާއި، ބޭނުންކުރާ އުޅަނދުފަހަރު ފުރިހަމަވާންޖެހޭ މިންގަނޑުތައް ހުންނާނެކަމަށް އެ ވުޒާރާއިން މަޢުލޫމާތުދެއެވެ. މީގެ އިތުރުން، މި ޤަވާއިދުގެ ސަބަބުން ވޯޓަރ ސްޕޯޓްސްގެ ޚިދުމަތްތައް އިތުރަށް ރައްކާތެރިކަމާއެކު ފޯރުކޮށްދެވިގެންދާނެކަމަށްވެސް އެ ވުޒާރާއިން ވިދާޅުވެއެވެ.
About Post Author
މާދަމާ ނިއުސް
ތަފާތު 3 ވޯޓެއް، ކޮންމެ ވޯޓެއްގައިވެސް ރައްޔިތުންގެ އަޑު އިއްވުން މުހިންމު!
(ފޮޓޯ ކްރެޑިޓްސް: އިލެކްޝަންސް ކޮމިޝަން) ރާއްޖޭގައި ބާއްވާ ރިޔާސީ އިންތިޚާބާއި، މަޖިލިސް އިންތިޚާބު އަދި ލޯކަލް ކައުންސިލް އިންތިޚާބަކީ ރައްޔިތުންގެ މަންދޫބުން ހޮވުމަށް ބާއްވާ...
“އިންތިހާބުތައް އެއް ދުވަހެއްގައި ބާއްވަން ޚާއްސަ މަޖިލީހުގައި މަޝްވަރާކޮށްފައިވޭ”
ރިޔާސީ އިންތިޚާބާއި މަޖިލިސް އިންތިޚާބު އެއް ދުވަހެއްގައި ބޭއްވުމާ ގުޅޭގޮތުން ކުރިން މަޝްވަރާކޮށްފައި ނުވާ ކަމަށް ދެކެވޭ ވާހަކަތައް މަޖިލީހުގެ ނައިބު ރައީސް އަޙްމަދު...
ދެ އިންތިޚާބު އެއް ދުވަހެއްގައި ބާއްވަން އެމްޑީއޭ ތާޢީދު
ދެ އިންތިޚާބު އެއް ދުވަހެއްގައި ބާއްވަން ތަޢީދުކުރާކަން، މިދޫ ދާއިރާގެ މެންބަރު އަޙްމަދު ސިޔާމް މުޙައްމަދުގެ ޕާޓީ މޯލްޑިވްސް ޑިވެލޮޕްމަންޓް އެލަޔަންސް، އެމްޑީއޭއިން ހާމަކޮށްފިއެވެ....
ގަލްފު ގައުމުތަކަށް ދެމުންދާ ހަމަލާތައް ދިވެހި ސަރުކާރުން ކުށްވެރިކޮށްފި
(ފޮޓޯ ކްރެޑިޓްސް: ޙާރިޖީ ވުޒާރާ) އީސްރާއީލާއި އެމެރިކާއިން އީރާނަށް ދެމުންދާ ހަމަލާތަކާއި، ގަލްފް ގައުމުތަކަށް އީރާނުން ދެމުންދާ ހަމަލާތައް ދިވެހި ސަރުކާރުން ކުށްވެރިކޮށްފިއެވެ. ހާރިޖީ...
އީދު ދުވަހު ސަލްޓަން ޕާކު ހުޅުވާނެ؛ އީދު ހަވީރު 3 ދުވަހަށް
(ފޮޓޯ ކްރެޑިޓްސް: ޕީއެސްއެމް ނިއުސް) އީދު ދުވަހު ސަލްޓަން ޕާކު ހުޅުވާނެ ކަމަށާއި އަދި އީދު ހަވީރުގެ ހަރަކާތްތައް ތިން ދުވަހަށް ކުރިޔަށް ގެންދަން...
ޝައްވާލުމަހުގެ ހަނދު ސާބިތުކުރުން މި މަހުގެ 18ގައި
(ފޮޓޯ ކްރެޑިޓްސް: އިސްލާމީ ކަންތައްތަކާބެހޭ ވުޒާރާ) މިއަހަރުގެ ޝައްވާލް މަހުގެ ހަނދު ސާބިތުކުރުމުގެ ކަންކަން މި މަހުގެ 18 ވާ ހޯމަ ދުވަހުގެ ރޭ...
