Read Time:2 Minute, 51 Second
އެކި ދާއިރާތަކުން ގުޅުން އިތުރަށް ބަދަހިކުރުމަށް ރާއްޖެއިން ސައުދީއާއެކު މަޝްވަރާކޮށްފިއެވެ. އެ މަޝްވަރާތައް ކޮށްފައިވަނީ ސައުދީ އަރަބިއްޔާގެ ސަރުކާރުން ރާއްޖެއަށް ކަނޑައެޅުއްވި އާ ސަފީރު ޔަހްޔާ ހަސަން އަލްގަހްޠާނީ، ހާރިޖީ ވަޒީރު ޑރ. އަބްދުﷲ ހަލީލްގެ އަރިހަށް ކުރެއްވި އިހްތިރާމުގެ ޒިޔާރަތުގެ ތެރެއިންނެވެ. އެ ބައްދަލުވުމުގައި، ވަޒީރު ހަލީލް ވަނީ ސަފީރު ޔަހްޔާ ސަފީރުކަމުގެ ފަތްކޮޅު ރައީސުލްޖުމްހޫރިއްޔާއަށް އެރުވުމުން އެކަމަށް ތަހުނިޔާ ވިދާޅުވެފައެވެ. ވަޒީރުގެ ވާހަކަފުޅުގައި އެމަނިކުފާނުގެ ސަފީރުކަމުގައި ރާއްޖެއާއި ސައުދީ އަރަބިއްޔާއާ ދެމެދު އޮތް ގުޅުން އިތުރަށް ބަދަހިވެގެންދާނެ ކަމުގައި ޔަގީންކުރައްވާ ކަމަށް ވިދާޅުވިއެވެ. އަދި ސައުދީ އަރަބިއްޔާއާއި ރާއްޖެއާ ދެމެދު އޮންނަނީ ވަރަށް ގާތް ގުޅުމެއް ކަމަށާއި ސައުދީ އަރަބިއްޔާއިން ރާއްޖޭގެ ތަރައްގީއަށް ވެދެއްވަމުން ގެންދާ އެހީތެރިކަން ފާހަަގަކުރައްވައި އެކަމަށް ޝުކުރުއަދާކުރެއްވިއެވެ.
އޭގެ އިތުރުން، ސައުދީ ސަރުކާރުން ނިމިދިޔަ ހައްޖު މޫސުމުގައި “މައްކާ ރޫޓް” އިނީޝިއޭޓިވްގައި ރާއްޖެ ހިމަނުއްވާފައިވާތީ، ސައުދީ ސަރުކާރުގެ އިސްވެރިންނަށް ޝުކުރުއަދާ ކުރައްވާފައިވެއެވެ. އެ ބައްދަލުވުމުގައި މިނިސްޓަރާއި ސަފީރު ދެ ގައުމުގެ ދެމެދުގައި އޮތް ގުޅުން އިތުރަށް ހަރުދަނާކުރުމާއި، އެކި ދާއިރާތަކުން ގުޅުން ބަދަހިކުރުމުގެ މުހިންމު ކަމުގެ މައްޗަށް އަލިއަޅުވާލައްވައި ވާހަކަފުޅު ދެއްކެވި ކަމަށް އެ ހާރިޖީ ވުޒާރާއިން ވިދާޅުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0