Read Time:4 Minute, 53 Second
(ފޮޓޯ ކްރެޑިޓްސް: އޭއެފްޕީ)
ޔަހޫދީން އިންޒާރު ދިނަސް އަމާންދީ ހަތިޔާރު ނުބަހައްޓާނެ ކަމަށް ލުބުނާނުގެ ހަތިޔާރުއެޅި ޖަމާޢަތް ޙިޒްބުاللهން ބުނެފިއެވެ. މިދިޔަ އަހަރުގެ ތެރޭގައި ޙިޒްބުاللهއާއި ޔަހޫދީންނާ ދެމެދު ވަރުގަދަ ހަނގުރާމައެއް ކޮށްފައިވެއެވެ. އެ ހަނގުރާމަ ނިމުމަކަށް އައީ އެ އަހަރުގެ ނޮވެމްބަރު މަހުގެ ތެރޭގައި އެމެރިކާ މެދުވެރިވެ ޤާއިމުކުރި ޙަމަލާ ބަދަލުކުރުން ހުއްޓައިލުމުގެ އެއްބަސްވުމެއްގެ ދަށުންނެވެ. އެ އެއްބަސްވުމުގައި ޔަހޫދީ ފައުޖު ލުބުނާނުން ފޭބުމާއި ޙިޒްބުاللهގެ ހަނގުރާމަވެރިން ލީޠާނީ ކޯރުގެ އުތުރަށް ބަދަލުކުރުމަށް ޝަރުތުކޮށްފައިވެއެވެ.
ލުބުނާނުގެ ސަރުކާރުންނާއި އަސްކަރިއްޔާއިން ދަނީ ޙިޒްބުاللهޤގެ އަސްކަރީ މަޤާމުތައް ދެކުނު ލުބުނާނުން އެހެން ސަރަޙައްދުތަކަށް ބަދަލުކުރުމަށް މަސައްކަތްކުރަމުންނެވެ. ދެކުނު ލުބުނާނުގެ ފަސް ސަރަޙައްދެއް އަދިވެސް އޮތީ ޔަހޫދީންގެ ބާރުގެ ދަށުގައެވެ. ކޮންމެ ދުވަހަކުހެން ޔަހޫދީން ވައިގެ ޙަމަލާތައް ދެއެވެ. ޙަމަލާ ބަދަލުކުރުން ހުއްޓައިލުމަށް އެއްބަސްވިފަހުން 250އެއްހާ މީހުން ޔަހޫދީންގެ ޙަމަލާތަކުގައި ޝަހީދުވެފައިވެއެވެ. ފާއިތުވި ދުވަސްތަކުގައި ޙިޒްބުاللهން ހަތިޔާރު ބެހެއްޓުމަށް އެމެރިކާއާއި ޔަހޫދީންނާއި ލުބުނާނުގެ ރަސްމީ އިދާރާތަކުން ގޮވާލަމުންދާ ގޮވާލުންތަކުގެ އަޑު ވަނީ އިތުރަށް ގަދަވެފައެވެ. އެ ފަރާތްތަކުން ޙިޒްބުاللهން ހަތިޔާރު ބެހެއްޓުމަށް ގޮވައިލަނީ ހަތިޔާރު ގެންގުޅެން ޖެހޭނީ ހަމައެކަނި ދައުލަތުގެ އަސްކަރިއްޔާއިން ކަމަށް ބުނެއެވެ. ހަނގުރާމައިގެ ފަހުން ލުބުނާނުގެ ހިންގުމާ ޙަވާލުވެފައިވާ އައު ސަރުކާރުން ވެސް ހަތިޔާރު ގެންގުޅެންޖެހޭނީ ހަމައެކަނި ދައުލަތުގެ އަސްކަރިއްޔާއިން ކަމަށް ބުނަމުންދާއިރު، ސަރުކާރުން ދަނީ ޙަމަލާ ބަދަލުކުރުން ހުއްޓައިލުމުގެ އެއްބަސްވުމާ އެއްގޮތަށް ޔަހޫދީން އަމަލު ކުރުމަށް ވެސް ގޮވައިލަމުންނެވެ.
ޓީވީ މެދުވެރިކޮށް ދެއްވި ޙިޠާބެއްގައި ޙިޒްބުاللهގެ އިސްވެރިޔާ، ނަޢީމް ޤާސިމް ވިދާޅުވީ އެ ޖަމާޢަތަށް އިންޒާރު ދިން ނަމަވެސް އަމާން ނުދޭނެ ކަމަށެވެ. އޭނާ ވިދާޅުވީ ޙިޒްބުاللهގެ ހަނގުރާމަވެރިން ހަތިޔާރު ނުބަހައްޓާނެ ކަމަށާއި ފުރަތަމަ ޖެހޭނީ ޔަހޫދީންގެ ޢުދުވާންތައް ހުއްޓައިލަން ކަމަށެވެ. ނަޢީމް ޤާސިމް މި މޭރުމުން ވާހަކަދައްކަވާފައި މި ވަނީ އެމެރިކާގެ ޚާއްޞަ މަންދޫބު، ޓޮމް ބަރަކް ޖުލައި މަހުގެ 7ވަނަ ދުވަހު ލުބުނާނަށް ވަޑައިގަތުމަށް ހަމަޖެހިފައި ވަނިކޮށެވެ. މި އަހަރު ނިމުމުގެ ކުރިން ޙިޒްބުاللهއިން ހަތިޔާރު ބެހެއްޓުމަށް ބަރަކް އެދުލައްވާފައިވާއިރު އެ ހުށަހެޅުމަށް ލުބުނާނުގެ ސަރުކާރުން ބަރަކްގެ ދަތުރުފުޅުގެ ތެރެއިން ޖަވާބު ދިނުމަށް ހަމަޖެހިފައިވެއެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0