Read Time:3 Minute, 21 Second
ރާއްޖޭގެ ފަތުރުވެރިކަން ޕްރޮމޯޓްކުރުމަށް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީން ބްރިޓިޝް ހައިކޮމިޝަންއާއި ބައްދަލުކޮށްފިއެވެ. މި ބައްދަލުކުރެއްވުމުގައި އެމްއެމްޕީއާރުސީގެ މެނޭޖިންގ ޑިރެކްޓަރ އިބްރާހިމް ޝިއުރީއާއި ބްރިޓިޝް ހައިކޮމިޝަންގެ އިސްވެރިން ވަނީ ބައިވެރިވެފައެވެ. މި ބައްދަލުވުމުގައި އެމްއެމްޕީއާރުސީއާއި ރާއްޖޭގައި ހުންނަ އިނގިރޭސިވިލާތުގެ ހައިކޮމިޝަން ގުޅިގެން ފަތުރުވެރިކަން ޕްރޮމޯޓްކުރުމަށް ކުރެވިދާނެ މަސައްކަތްތަކާއި ގުޅޭގޮތުން ވަނީ މަޝްވަރާކުރައްވާފައެވެ.
އެމްއެމްޕީއާރުސީން ވިދާޅުވީ މި ބައްދަލުވުމުގައި ރާއްޖޭގެ ފަތުރުވެރިކަމުގެ އެކިއެކި ސެގްމަންޓްތަކުގެ މައުލޫމާތު އިނގިރޭސިވިލާތުގެ ފަތުރުވެރިންނަށް ފޯރުކޮށްދީ އެ ޤައުމުން ރާއްޖެއަށް އަންނަ ފަތުރުވެރިންގެ އަދަދު އިތުރުކުރުމަށް ކުރެވިދާނެ މަސައްކަތްތަކާއި ގުޅޭގޮތުން މަޝްވަރާކޮށްފައިވާކަމަށެވެ.
MMPRC met with the British High Commission today to discuss exciting opportunities for collaboration! We explored new ways to diversify the Maldives’ unique tourism offerings and strengthen its appeal to UK visitors, while also supporting the High Commission’s flagship events. pic.twitter.com/AaLQhz8GvI
— Maldives Marketing & Public Relations Corporation (@mmprc_corporate) July 6, 2025
އިނގިރޭސިވިލާތަކީ އަހަރުގެ މިހާތަނަށް ރާއްޖެއަށް 3 ވަނައަށް އެންމެ ގިނަ އަދަދެއްގެ ފަތުރުވެރިން އައި ގައުމެވެ. އަހަރުގެ ފުރަތަމަ 6 މަސްދުވަހު އެ ގައުމުން ރާއްޖެއަށް 108،371 ފަތުރުވެރިން ވަނީ ޒިޔާރަތްކޮށްފައެވެ. މިދިޔަ އަހަރު އިނގިރޭސިވިލާތަކީ ރާއްޖެއަށް 2 ވަނައަށް އެންމެ ގިނަ އަދަދެއްގެ ފަތުރުވެރިން ޒިޔާރަތްކުރި ގައުމެވެ. އެމްއެމްޕީއާރުސީން ދަނީ އިނގިރޭސިވިލާތުގެ އިތުރުން ދުނިޔޭގެ އެހެން ޤައުމުތަކުގައިވެސް ރާއްޖެ އިޝްތިހާރުކުރުމުގެ މަސައްކަތް ކުރަމުންނެވެ. އެގޮތުން އެކިއެކި ރޯޑްޝޯތަކާއި، ކެންޕެއިންތަކާއި، ފެއަރތަކުގައި ދަނީ ބައިވެރިވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0