Read Time:4 Minute, 53 Second
ފުޓްބޯޅަ އެސޯސިއޭޝަން އޮފް މޯލްޑިވްސްގެ ރައީސް ކަމަށް ވާދަކުރެއްވުމަށް އެފްއޭއެމްގެ މެންބަރު ހުރިހާ ކުލަބެއް (23 ކުލަބު) ގެ ތާއީދާއެކު ރައްޔިތުންގެ މަޖިލީހުގެ މަހިނބަދޫ ދާއިރާގެ މެންބަރު އަދި ގައުމީޓީމުގެ ކުރީގެ ކުޅުންތެރިޔާ އަހުމަދު ތޯރިގް (ޓޮމް) ފޯމު ހުށަހަޅުއްވައިފިއެވެ. އެފްއޭއެމްގެ ރައީސްކަމަށް ވާދަކުރުމަށް އޭނާ ފޯމު ހުށަހެޅުއްވީ ރާއްޖޭގެ 4 ސަރަހައްދެއްގައި ރީޖަނަލް އެސޯސިއޭޝަން ހަދައި އެ ރީޖަންތަކުން އެފްއޭއެމްްގެ ކަންކަމުގައި ބަސްކިޔުމުގެ ފުރުސަތު ހޯދައިދިނުމުގެ ވައުދާއެކުއެވެ.
އެކްސްކޯގައި ހިމެނުމަށް ހުށަހަޅުއްވާފައިވާ މެންބަރުން:
1- ރައީސް: އަހްމަދު ތާރިޤް
2- ސީނިއަރ ވީޕީ: އަލީ އިބްރާހިމް (ނިއު)
3- ވީޕީ: ހުސައިން ޝާފިއު (މާޒިޔާ)
4- ވީޕީ: މުޖުތަބާ ޖަލީލް (ނިއު)
5- އިމްރާން މުހައްމަދު (ކުރީގެ ޤައުމީ ކީޕަރު)
6- މުހައްމަދު އުމައިރު (ކުރީގެ ޤައުމީޓީމް ކުޅުންތެރިޔާ)
7- އަޙްމަދު އައްބާސް (ޓީސީ)
8- އަލީ ރިޒްވާން (ބީޖީ)
9- އަންހެން މެންބަރު: ހައްވާ ނަސްރާ ސައީދު
10 އަންހެން މެންބަރު: ހައްވާ ރަޝީދާ
11- އަބްދުﷲ ނާސިޙް (އޮޑި)
އެފްއޭއެމްގެ އިންތިހާބު ބާއްވަން ނިންމާފައިވަނީ މި މަހުގެ 26 ގައެވެ. ރާއްޖޭގެ ފުޓްބޯޅަ އިދާރާ އަލުން ކޮޅަށް ޖެހުމާއި އަތޮޅުތެރޭގެ ހަރަކާތްތެރިކަން އިތުރުކޮށް ފުޓްބޯޅަ ކުރިން އޮތް މަގާމަށް ގެނެސްދެއްވުމަށް އައު ހިންގާ ކޮމިޓީއަށް ގިނަ މަސައްކަތްތަކެއް ކުރަން ޖެހިފައިވާ މި ދަނޑިވަޅުގައި ޓޮމް އެފްއޭއެމުގެ ރައީސް ކަމަށް ވާދަކުރެއްވުމަށް މީގެ ކުރިންވެސް މަސައްކަތް ކުރެއްވިއެވެ. އެކި ސަބަބުތަކަައި ހުރެ އިންތިހާބު ނުބޭއްވި މިދިޔަ އަހަރުގެ އޮގަސްޓުން ފެށިގެން ފީފާއިން ވަނީ އެފްއޭއެމް ނޯމަލައިޒްކޮށްފައެވެ. އެފްއޭއެމުގެ އިންތިހާބު މިދިޔަ ދޮޅު އަހަރު ތެރޭގައި ވަނީ ދެ ފަހަރަށް ނުބޭއްވި ފަސްވެފައެވެ.
އެންމެ ފަހުން ފީފާއިން ވަނީ މީގެ އެއް އަހަރު ކުރިން އެފްއޭއެމުގެ ރައީސް ކަމުގައި ހުރި ބައްސާމް އަދީލް ޖަލީލް ސަސްޕެންޑްކޮށްފައެވެ. އަދި އިސްލާހުކުރި ގަވާއިދުގެ ދަށުން ބައްސާމަށް ވަނީ މިފަހަރު އިންތިހާބުގައި ވާދަކުރުމުގެ ހުރިހާ ދޮރެއް ބަންދުވެފައެވެ. ބައްސާމް ސަސްޕެންޑްކުރީ ހިޔާނާތާއި ހިންގުމުގެބައިވަރު މައްސަލަތަކާހުރެއެވެ. އޭނާއާ ދެކޮޅަށް ގިނަ ދައުވާތަކެއް ވެސް ވަނީ ރާއްޖޭގެ ކޯޓުތަކުގައި އުފުލާފަ އެވެ. ބައްސާމަށް ފަހު އެފްއޭއެމުގެ ރައީސް ކަމަށް ވާދަކުރައްވަން މަސައްކަތް ކުރެއްވީ ކުލަބު އީގަލްސްގެ ފަރާތުން މުފާވިޒް ހާޝިމެވެ. އެ ފަހަރުގެއިންތިހާބު ކެންސަލްވުމުން ދެ ވަނަ ފަހަރަށް ކުރިމަތިލެއްވީ އަނެއްކާވެސް ބައްސާމެވެ. އެ ފަހަރު ބާއްވަން އުޅުނު އިންތިހާބު ސައްހަ ނޫން ކަމަށް ނިންމީ ފީފާއިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0