Read Time:3 Minute, 49 Second
(ފޮޓޯ ކްރެޑިޓްސް: އޭއެފްޕީ)
ރަޝިޔާއިން އަފްޣާނިސްތާނުގެ ތާލިބާން ސަރުކާރު ރަސްމީކޮށް ބަލައިގެންފިއެވެ. މިއީ 2021 ވަނަ އަހަރު ތާލިބާނުން އަފްޣާނިސްތާނުގެ ވެރިކަން ހިފުމަށްފަހު އެ ސަރުކާރު ރަސްމީކޮށް ބަލައިގަތް ފުރަތަމަ ގައުމެވެ. މި ނިންމުމާއެކު ދެ ގައުމުގެ ދެމެދުގައި ކުރިއަށްގެންދިޔަ ސިއްރު މަޝްވަރާތަކަށްފަހު، ކުރިން ދެ ގައުމުގެ ދެމެދުގައި އޮތް ޒަމާންވީ ރުޅިވެރިކަން ނިމުމަކަށް އައިސް، ގުޅުން އިތުރަށް ބަދަހިވެގެންދާނެ ކަމަށް ރިޕޯޓްތައް ބުނެއެވެ. 2021 ވަނަ އަހަރުގެ އޮގަސްޓްގައި ތާލިބާނުން ކާބުލް ހިފައި، އޭރުގެ ރައީސް އަޝްރަފް ޣަނީގެ ސަރުކާރު ބަދަލުކުރި ފަހުން، އެތައް ގައުމަކުން ވަނީ ތާލިބާނުންނާ ގުޅުން ގާއިމުކުރުމަށް މަސައްކަތްކޮށްފައެވެ. މި ގައުމުތަކުގެ ތެރޭގައި ތާރީހީީ ގޮތުން ތާލިބާނުންނަކީ ދުޝްމަނުންގެ ގޮތުގައި ދެކެމުން އައި ބައެއް ވެސް ހިމެނެއެވެ. ނަމަވެސް، މިދިޔަ ބުރާސްފަތި ދުވަހާ ހަމައަށް އެއްވެސް ގައުމަކުން ތާލިބާން ސަރުކާރު ރަސްމީކޮށް ބަލައެއް ނުގަނެއެވެ.
ރަޝިޔާގެ ފޮރިން މިނިސްޓްރީން ނެރުނު ބަޔާނެއްގައި ބުނެފައި ވަނީ، ތާލިބާން ސަރުކާރު ރަސްމީކޮށް ބަލައިގަތުމަކީ އަފްޣާނިސްތާނާ އެކު ދެ ގައުމުގެ ގުޅުން ފުޅާވެ، އެކި ދާއިރާތަކުން ގުޅިގެން މަސައްކަތްކުރުމަށް މަގުފަހިކޮށްދޭނެ ކަމެއް ކަމަށެވެ.
“އަފްޣާނިސްތާނުގެ އިސްލާމިކް އެމިރޭޓްގެ ސަރުކާރު ރަސްމީކޮށް ބަލައިގަތުމަކީ، އަޅުގަނޑުމެންގެ ދެ ގައުމުގެ ދެމެދުގައި އެކި ދާއިރާތަކުން ފައިދާހުރި ގުޅުން ބިނާކުރުމަށް ބާރެއް ލިބިގެންދާނެ ކަމަށް ގަބޫލުކުރަން” ރަޝިޔާގެ ފޮރިން މިނިސްޓްރީގެ ބަޔާނުގައިވެއެވެ.
ރަޝިޔާގެ ފޮރިން މިނިސްޓްރީން ބުނެފައި ވަނީ، ތާލިބާނުންނާ އެކު ހަކަތަ، ދަތުރުފަތުރު، ދަނޑުވެރިކަން، އަދި އުމްރާނީ ތަރައްގީގެ ދާއިރާއިން އެއްބާރުލުން ހޯދަން މަސައްކަތްކުރާނެ ކަމަށެވެ. މިއީ ރަޝިޔާއިން މިފަދަ ނިންމުމެއް ނިންމުމަށްފަހު، ދެން އެހެން ގައުމުތަކުން ވެސް ތާލިބާން ސަރުކާރާ އެކު ރަސްމީ ސިޔާސީ ގުޅުންތައް ފަށާނެ ކަމަށް ކަމާއި ބެހޭ މާޙިރުން ދަނީ ލަފާކުރަމުންނެވެ.
Happy
50 %
Sad
0 %
Excited
0 %
Sleepy
0 %
Angry
0 %
Surprise
50 %
0
0