Read Time:2 Minute, 29 Second
(ފޮޓޯ ކްރެޑިޓްސް: ވަން ގޭމް)
އިންޓަރ އޮފީސް ބީޗް ހޭންޑްބޯލް ޗެލެންޖުގެ ފިރިހެން ޑިވިޝަނުގެ ފައިނަލުގައި އެމްޕީއެލް އާއި ވެމްކޯ ބައްދަލުކުރަން ޖެހިއްޖެއެވެ. އެމްއެންޑީއެފާއި ދެކޮޅަށް ކުޅުނު ސެމީ ފައިނަލު މެޗު 0-2 ން ކާމިޔާބުކޮށް އެމްޕީއެލް ފައިނަލަށް ދަތުރުކުރި އިރު މި މެޗުގައި ދެ ޓީމުންވެސް ވަނީ މޮޅު ކުޅުމެއް ދައްކާފައެވެ. މި މެޗުގެ ފުރަތަމަ ސެޓު 13-9 ން ކާމިޔާބުކުރީ އެމްޕީއެލްއެވެ. ދެވަނަ ސެޓް އެއަށްވުރެ ފަސޭހަކަމާއެކު 11 ޕޮއިންޓްގެ ބޮޑު ތަފާތަކުން އެމްޕީއެލް ގެންދިޔައީ 20-9 ގެ ނަތީޖާއަކުންނެވެ. މި މެޗުގެ މޮޅު ކުޅުންތެރިއަކަށް ހޮވުނީ އެމްޕީއެލްގެ ރާއިދު ރަޝީދެވެ.
ސެމީފައިނަލްގެ ފުރަތަމަ މެޗުގައި ބީސީސީ އާއި ދެކޮޅަށް ކުޅެ 2-0 ގެ ނަތީޖާއަކުން ކާމިޔާބުކޮށް ފައިނަލްގެ ފުރަތަމަ ޖާގަ ކަށަވަރު ކުރީ ވެމްކޯއިންނެވެ. މި މެޗުގެ ފުރަތަމަ ސެޓު ވެމްކޯއިން ގެންދިޔައީ 16-9 ންނެވެ. ދެވަނަ ސެޓު ވެމްކޯއިން ކާމިޔާބުކުރީ 24-22 ންނެވެ. މި މެޗުގެ މޮޅު ކުޅުންތެރިއަކަށް ހޮވުނީ ވެމްކޯގެ އަހުމަދު ރައުލް އައްސަދެވެ. ކުޅިވަރު ވުޒާރާއާއި ހޭންޑްބޯލް މޯލްޑިވްސްގެ އެހީތެރިކަމާއެކު ވަން ގޭމްއިން އިންތިޒާމުކޮށްގެން ހުޅުމާލޭ ސެންޓްރަލް ޕާކުގައި ކުރިޔަށް ގެންދާ އިންޓަރ އޮފީސް ހޭންޑްބޯލް ޗެލެންޖްގެ ފިރިހެން ޑިވިޝަނުގެ 11 ޓީމަކުން ވާދަކުރިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0