Read Time:2 Minute, 34 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ނިއު ރޭޑިއަންޓް ސްޕޯޓްސް ކުލަބާއި ވިކްޓަރީ ސްޕޯޓްސް ކުލަބަށް އަލުން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ދާއިމީ މެންބަރުކަން ދީފިއެވެ. އެ ދެ ކުލަބަކަށް އަލުން މެންބަރުކަން ދިނުމަށް އަސާސީގަވާއިދުގައި ހިމަނާ ހާޒިރުވި 21 މެންބަރުން އިއްތިފާޤުން އެފްއޭއެމްގެ އަސާސީގަވާއިދު ވަނީ އިއްޔެ ފާސްކޮށްފައެވެ. މިއާއެކު އަންނަ މަހުގެ 26 ގައި ބާއްވާ އެފްއޭއެމްގެ އިންތިހާބުގައި ބައިވެރިވުމުގެ ފުރުސަތު ނިއުރޭޑިއަންޓާއި ވިކްޓްރީއަށްވެސް ލިބޭނެއެވެ. މި ބަދަލާއެކު ނިއުރޭޑިއަންޓާއި ވިކްޓްރީއަށް އެފްއޭއެމްގެ ކޮންގްރެސްގައި ވޯޓު ދިނުމުގެ ފުރުސަތު ފަހިވާނެއެވެ. މި ދެކުލަބަކަށް އެފްއޭއެމްގެ މެންބަރުކަން މި ލިބުނީ ހަ އަހަރަު ދުވަހަށްފަހުއެވެ.
އެންމެ ފަހުން ނިއުރޭޑިއަންޓް އެފްއޭއެމްގެ ކޮންގްރެސްގައި ބައިވެރިވީ 2018 ވަނަ އަހަރެވެ. އޭގެފަހުން އެފްއޭއެމުން ވަނީ ނިއުރޭރިއަންޑް ސަސްޕެންޑް ކޮށްފައެވެ. އެކުލަބު ސަސްޕެންޑް ކުރީ މުސާރައިގެ މައްސަލައިގައިއެވެ. ވިކްޓްރީއަށް އެފްއޭއެމްގެ ކޮންގްރެސްގައި ބައިވެރިވުމުގެ ފުރުސަތު އެންމެ ފަހުން ލިބުނީ 2019 ގައެވެ. އެ ކުލަބު ވެސް މުސާރައިގެ މައްސަލައިގައި 2019 ވަނަ އަހަރު ސަސްޕެންޑް ކުރިއެވެ.
ދެ ކުލަބުންވެސް މުސަަރައިގެ މައްސަލަ ހައްލުކުރުމުން 2022 ގައި ވަނީ ސަސްޕެންޝަން އުވާލާފައެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0