Read Time:3 Minute, 11 Second
އިސްރާއީލުން އިރާނަށް ދިން ހަމަލާގައި އެމެރިކާ ބައިވެރިނުވާ ކަމަށް އެމެރިކާގެ ރައީސް، ޑޮނަލްޑް ޓްރަމްޕް ބުނެފިއެވެ. އިރާނާއި އިސްރާއީލާއި ދެމެދު ޒަމާންތަކެއް ވަންދެން އުފެދިފައިވާ ނުތަނަވަސްކަން ހަނގުރާމައަކަށް ބަދަލުވެފައިވަނީ ހުކުރު ދުވަހުގެ ފަތިހުގެ ވަގުތެއްގައެވެ. އެއީ އިސްރާއީލުން އިސްވެ، އިރާނުގެ ނިއުކްލިޔާ މަރުކަޒުތަކަށާއި އަސްކަރީ ބައެއް މަރުކަޒުތަކަށް ދިން ހަމަލާތަކާ ގުޅިގެންނެވެ. އަލްޖަޒީރާއިން ރިޕޯޓްކޮށްފައިވާ ގޮތުން އީރާނަށް ދިން ހަމަލާގައި އެމެރިކާ ބައިވެރިނުވާކަމަށް ޓްރަމްޕް ބުނެފައިވާއިރު އިރާނުން އެމެރިކާއަށް ހަމަލާދީފިނަމަ، ދެން ކަންތައްތައް ވާނެ ގޮތުގެ އިންޒާރު ޓްރަމްޕް ވަނީ ދީފައެވެ. އެގޮތުން އީރާނުން އެމެރިކާއަށް އެއްވެސް ގޮތަކުން ހަމަލާދީފިނަމަ އެމެރިކާގެ އަސްކަރިއްޔާއިން މީގެ ކުރިން ހަމަލާ ނުދޭ މިންވަރަށް ހަމަލާދޭނެ ކަމަށް ވަނީ ބުނެފައެވެ.
ޓްރަމްޕް މިފަދައިން ބުނީ އިސްރާއީލަށް އެހީތެރިވާނަމަ މެދުއިރުމަތީ ސަރަހައްދުގައި ހުންނަ އެމެރިކާގެ އަސްކަރީ މަރުކަޒުތަކަށް ހަމަލާ ދޭނެ ކަމަށް އީރާން އަސްކަރިއްޔާގެ އިސް އޮފިޝަލަކު ވިދާޅުވެފައި ވަނިކޮށެވެ. ޓްރަމްޕް ވަނީ އީރާނާއި އިސްރާއީލާ ދެމެދު މިހާރު ހިނގަމުންދާ ހަމަނުޖެހުންތަކަށް ހައްލެއް ގެނައުމަށް އެއްބަސްވުމަކަށް އަައުމަށް އެމެރިކާއިން އެހީތެރިވެދޭނެ ކަމަށް ބުނެފައެވެ. އީރާނަށް ދިން ހަމަލާގައި އެމެރިކާ ބައިވެރިނުވާކަމަށް ޓްރަމްޕް މިހާރު ބުނެފައިވާއިރު އީރާނުގެ އަސްކަރީ އަދި ނިއުކްލިއާ މަރުކަޒުތަކަށް ސިލްސިލާ ހަމަލާތަކެއް އިސްރާއީލުން ދީފައިވެއެވެ. އިސްރާއީލުން ހަމަލާ ދިނުމުގެ ކުރިން އެކަން އެނގޭ ކަމަށް ޓްރަމްޕް ވަނީ ކުރިން ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
100 %
Surprise
0 %
0
0