ފަގީރުންނަށް ބޭސްފަރުވާގެ އެހީގެ ގޮތުގައި ދެ މިލިއަނަށްވުރެ ގިނަ ރުފިޔާ ދޫކޮށްފި

Read Time:6 Minute, 48 Second

(ފޮޓޯ ކްރެޑިޓްސް: ވަގުތު)

“މޯލްޑިވްސް ޒަކާތު ހައުސް”އިން މިއަހަރު ފުރަމަތަމަ ކުއާޓާގައި ފަގީރުންނަށް ބޭސްފަރުވާގެ އެހީގެ ގޮތުގައި ދެ މިލިއަނަށް ވުރެ ގިނަ ރުފިޔާ ދޫކޮށްފިއެވެ. ޒަކާތް ހައުސްއިން އާންމުކުރި ޖެނުއަރީ، ފެބްރުއަރީ، މާޗް އަދި އޭޕްރީލްގެ ރިޕޯޓުން ހާމަވާ ގޮތުގައި މިއަހަރު ފުރަތަމަ ކުއާޓާގައި ޖުމްލަ 370 މީހުންނަށް ވަނީ މި ފަންޑުން އެހީ ފޯރުކޮށްދީފައެވެ.

އެގޮތުން ބަލާއިރު:

ޖެނުއަރީ މަހު ބޭސްފަރުވާއަށް ދޫކުރި އެހީ:

ޓްރާންސްޕްލާންޓް – 405،493.11 ރުފިޔާ
ކެންސަރު – 199،303.50 ރުފިޔާ
ޕުއްޕާމޭގެ ބަލިތަކަށް – 90،000 ރުފިޔާ
ހިތުގެ ބަލިތަކަށް – 56،007.24 ރުފިޔާ
ކިޑްނީގެ ބަލިތަކަށް – 42،405 ރުފިޔާ
ސިކުނޑީގެ ބަލިތަކަށް – 16،962 ރުފިޔާ
އެހެނިހެން ބަލިތަކަށް – 699،737.21 ރުފިޔާ އެވެ.

ޒަކާތު ފަންޑުން ޖެނުއަރީމަހު މަހު 102 މީހަކަށް ބޭސްފަރުވާގެ އެހީ ވަނީ ހަމަޖައްސައިދީފައެވެ. މި މީހުންނަށް އެހީގެ ގޮތުގައި 761،287.50 ރުފިޔާ ވަނީ ދޫކޮށްފައެވެ. ހާއްސަ ހާލަތްތައް މެރުވެރިވެގެން ހާލުގައި ޖެހޭ ފަރާތްތަކަށް ޒަކާތް ފަންޑުން 20،481 ރުފިޔާ ވަނީ ދޫކޮށްފައެވެ.

ފެބްރުއަރީ މަހު ބޭސްފަރުވާއަށް ދޫކުރި އެހީ:

ކެންސަރު – 195،063 ރުފިޔާ
ކިޑްނީގެ ބަލިތަކަށް – 90،592.50 ރުފިޔާ
ހިތުގެ ބަލިތަކަށް – 33،924 ރުފިޔާ
ޓްރާންސްޕްލާންޓް – 25،443 ރުފިޔާ
ސިކުނޑީގެ ބަލިތަކަށް – 12،721.50 ރުފިޔާ
އެހެނިހެން ބަލިތަކަށް – 495،356 ރުފިޔާ އެވެ.

ޒަކާތު ފަންޑުން ފެބްރުއަރީ މަހު 89 މީހަކަށް ބޭސްފަރުވާގެ އެހީ ހަމަޖައްސާފައިވާއިރު، މި މަހު އެހީއަށް ހޭދަކޮށްފައި ވަނީ އެކަމަށް ހަމަޖެހުނު 853،100 ރުފިޔާގެ ތެރެއިން 759،128 ރުފިޔާއެވެ. ހާއްސަ ހާލަތްތައް މެރުވެރިވެގެން ހާލުގައި ޖެހޭ ފަރާތްތަކަށް ޒަކާތް ފަންޑުން 20،481.03 ރުފިޔާ ވަނީ ދޫކޮށްފައެވެ.

މާޗް މަހު ބޭސްފަރުވާއަށް ދޫކުރި އެހީ:

ޒަކާތު ހައުސްގެ ތަފާސް ހިސާބުތައް ދައްކާ ގޮތުގައި މިދިޔަ މާޗް މަހު 68 މީހެއްގެ ބޭސް ފަރުވާއަށް 847،278.50 ރުފިޔާ ހަރަދުކޮށްފައިވެއެވެ. ހާއްސަ ހާލަތްތައް މެރުވެރިވެގެން ހާލުގައި ޖެހޭ ފަރާތްތަކަށް ޒަކާތް ފަންޑުން 3،397.94 ރުފިޔާ ވަނީ ދޫކޮށްފައެވެ.

ކެންސަރު – 829،042.42 ރުފިޔާ
ސިކުނޑީގެ ބަލިތަކަށް – 278،670.24 ރުފިޔާ
ކިޑްނީގެ ބަލިތަކަށް – 85،581 ރުފިޔާ
ހިތުގެ ބަލިތަކަށް – 25،443 ރުފިޔާ
ޕުއްޕާމޭގެ ބަލިތަކަށް – 22،157 ރުފިޔާ
އެހެނިހެން ބަލިތަކަށް – 985،629.35 ރުފިޔާ ވަނީ ދޫކޮށްފައެވެ.

އެޕްރީލް މަހު ބޭސްފަރުވާއަށް ދޫކުރި އެހީ:

ސިކުނޑީގެ ބަލިތަކަށް – 506،458.64 ރުފިޔާ
ކެންސަރު – 301،075.50 ރުފިޔާ
ހިތުގެ ބަލިތަކަށް – 54،240.50 ރުފިޔާ
ޓްރާންސްޕްލާންޓް – 50،886 ރުފިޔާ
ކިޑްނީގެ ބަލިތަކަށް – 40،324 ރުފިޔާ
އެހެނިހެން ބަލިތަކަށް – 772،646.87 ރުފިޔާ ވަނީ ދޫކޮށްފައެވެ.

އެޕްރީލް މަހު ޒަކާތް ފަންޑުން 1.7 މިލިއަން ރުފިޔާ ބޭސް ފަރުވާއަށް ހަމަޖައްސައިދިނެވެ. އޭގެތެރެއިން އެހީގެ ގޮތުގައި 111 މީހަކަށް 1،142،696.29 ރުފިޔާ ވަނީ ހަރަދުކޮށްފައެވެ. ގުރްއާން ހިތުދަސް ކުރުމާއި ގުރްއާނުގެ އިލްމު ފެތުރުމަށް ފީސަބީލިﷲ ބައިން 1.1 މިލިއަނަށް ވުރެ ގިނަ ރުފިޔާ ހަރަދުކޮށްފައެވެ. އަދި ދީނީ އެކިއެކި ޕްރޮގްރާމުތައް ހިންގުމަށް 1.1 މިލިއަނަށް ވުރެ ގިނަ ރުފިޔާ ހޭދަކުރިއެވެ. ހަމައެއާއެކު ޒަކާތުގެ މަސައްކަތް ކުރުމަށް ޒަކާތު ފަންޑުން މުސާރަ ދޭ ގޮތަށް ނަގާފައިވާ މުވައްޒަފުންނަށް މުސާރަ ދިނުމަށް އާމިލުންގެ ބައިން 1.3 މިލިއަނަށް ވުރެ ގިނަ ރުފިޔާ ވަނީ ހަރަދުކޮށްފައެވެ.

ޒަކާތު ހައުސްއިން ކުރާ މައިގަނޑު ކަންތައްތަކަކީ ޒަކާތުގެ ކަންކަން އިތުރަށް ހަރުދަނާކޮށް އައު ހަރުފަތަކަށް ގެންދިޔުމާއި ޒަކާތުގެ އިލްމު ފެތުރުމާއި ޒަކާތުގެ ހުކުމްތަކާ މެދު އާންމުން ހޭލުންތެރިކުރުވުމެވެ. އަދި ޒަކާތް އަދާކުރާ މިންވަރު އިތުރުކޮށް، ޒަކާތު ފަންޑު ގުނަކޮށް ރާއްޖެއިން ފަގީރުކަން ނައްތާލުމަށް މަސައްކަތް ކުރާނެއެވެ.