Read Time:2 Minute, 27 Second
(ފޮޓޯ ކްރެޑިޓްސް: އޭޕީ)
އީރާނުގެ ވެރިރަށް، ތެހެރާންގެ ރެސިޑެންޝަލް ކޮމްޕްލެކްސްއަކަށް އިސްރާއީލުން ދިން ހަމަލާއެއްގައި 20 ކުޑަކުދިންނާއެކު ގާތްގަނޑަކަށް 60 މީހަކު މަރުވެފައިވާ ކަމަށް އީރާނުގެ ދައުލަތުގެ ޓީވީން ބުނެފިއެވެ. އެ ސަރަހައްދުގައި ހަރަކާތްތެރިވަމުންދާ ނޫސްވެރިންނާއި ހަވާލާދީ ސީއެންއެންއިން ބުނީ އެ އިމާރާތަށް ދިން ހަމަލާގައި 20 ކުޑަކުދިން މަރާލިއިރު، އޭގެ ތެރޭގައި އެންމެ ހަ މަސްޗީ ކުޑަކުއްޖަކުވެސް ހިމެނޭ ކަމަށެވެ. އަދި ވެއްޓިފައިވާ އެ އިމާރާތުގެ ދަށުގައި 10 މީހެއްގެ ހަށިގަނޑު ވާ ކަމަށްވެސް ބުނެފައި ވެއެވެ.
އީރާނުގެ ޓީވީތަކުން ވަނީ ތެހެރާނުގެ ޝަހްރަކް-އޭ ޝާހިދު ޗަމްރާން ރެސިޑެންޝަލް ކޮމްޕްލެކްސްގެ 14 ބުރީގެ އިމާރާތް ހުންނަ ސަރަހައްދުގައި މަސައްކަތްތެރިން ސާފް ކުރާ މަންޒަރު ލައިވްކޮށް ދައްކާފައެވެ. އީރާނުން އދއަށް ކަނޑައަޅުއްވާފައި ހުންނަވާ ސަފީރު ހުކުރު ދުވަހު ވިދާޅުވީ އިސްރާއީލުން ދިން ފުރަތަމަ ހަމަލާތަކުގައި 78 މީހަކު މަރުވެ 320 މީހުން ޒަޚަމްވެފައިވާ ކަމަށެވެ. ގައުމުގެ ދިފާއުގައި އެގައުމުގެ ރައްޔިތުން އެކަތިގަނޑަކަށްވުމަށް އީރާނުން ގޮވާލާފައިވާއިރު، އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަނީ އީރާނުގެ ސަރުކާރާ ދެކޮޅަށް ބަޣާވާތް ކުރުމަށް ހިތްވަރު ދީ ވާހަކަ ދައްކައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0